റായ്പൂർ: ബാങ്ക് അക്കൗണ്ടിലെ കെ.വൈ.സി നടപടികൾ മുടങ്ങിയതിനെ തുടർന്ന് ലഭിക്കാതെപോയ 500 രൂപയുടെ പ്രതിമാസ പെൻഷനായി തൊണ്ണൂറുകാരിയായ അമ്മായിയമ്മയെ ചുമലിലേറ്റി കിലോമീറ്ററുകൾ നടന്ന് മധ്യവയസ്ക (Chhattisgarh Elderly Woman Carried On Back For Pension). ഛത്തീസ്ഗഢിലെ സുർഗുജ ജില്ലയിലാണ് മനസ്സാക്ഷിയെ ഉലയ്ക്കുന്ന ഈ സംഭവം അരങ്ങേറിയത്. കടുത്ത വേനൽച്ചൂടും ചുട്ടുപഴുത്ത റോഡും അവഗണിച്ച്, അൻപതുകളിലുള്ള സുഖ്മനിയ എന്ന സ്ത്രീയാണ് തന്റെ അമ്മായിയമ്മയെയും ചുമന്ന് ബാങ്കിലേക്ക് നടന്നത്. കഴിഞ്ഞ നാല് മാസമായി പെൻഷൻ മുടങ്ങിയതോടെയാണ് മറ്റ് മാർഗ്ഗങ്ങളില്ലാതെ ഇവർക്ക് ഈ ദുരിതയാത്ര നടത്തേണ്ടി വന്നത്. വഴിപോക്കനായ ഒരാൾ പകർത്തിയ ഇവരുടെ യാത്രാ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചതോടെയാണ് സംഭവം പുറംലോകമറിഞ്ഞതും വലിയ ജനരോഷത്തിന് കാരണമായതും.
मैनपाट के कुनिया जंगलपारा में 90 साल की सास को हर महीने 9 किलोमीटर पीठ पर ढोकर बैंक ले जाती बहू…
ये सिर्फ तस्वीर नहीं, “सुशासन” के दावों पर बड़ा सवाल है।
एक तरफ बहू का समर्पण, दूसरी तरफ व्यवस्था की संवेदनहीनता।@vishnudsai #mainpat #PensionStruggle #BankRules #व्यवस्था_पर_सवाल pic.twitter.com/VwRyc8xfif— Archna parganiha (@archana2098) May 23, 2026
ജംഗൽപ്പാറ ഗ്രാമത്തിലെ താമസക്കാരായ ഇവർ മൈൻപാറ്റ് ടൗണിലുള്ള സെൻട്രൽ ബാങ്ക് ഓഫ് ഇന്ത്യയുടെ ശാഖയിലേക്കാണ് കാൽനടയായി എത്തിയത്. മുൻപ് ‘ബാങ്ക് മിത്ര’ വഴി പെൻഷൻ തുക വീട്ടിൽ എത്തിച്ചിരുന്നെങ്കിലും രേഖകൾ പുതുക്കാത്തതിനാൽ കഴിഞ്ഞ ജനുവരിക്ക് ശേഷം ഈ സേവനം നിർത്തിവെക്കുകയായിരുന്നു. സംഭവം വിവാദമായതോടെ വിവരം അറിഞ്ഞെത്തിയ മൈൻപാറ്റ് ജൻപദ് പഞ്ചായത്ത് ചീഫ് എക്സിക്യൂട്ടീവ് ഓഫീസർ ഖുശ്ബു ശാസ്ത്രി ബാങ്ക് അധികൃതരുമായി ബന്ധപ്പെടുകയും കെ.വൈ.സി നടപടികൾ അടിയന്തരമായി പൂർത്തിയാക്കി നാല് മാസത്തെ കുടിശ്ശികയായ 2000 രൂപ ഉടൻ തന്നെ കൈമാറാൻ നിർദ്ദേശിക്കുകയും ചെയ്തു. അടുത്ത മാസം മുതൽ പെൻഷൻ തുക മുടങ്ങാതെ വീട്ടിൽ എത്തിക്കുമെന്ന് ഉദ്യോഗസ്ഥർ ഉറപ്പുനൽകിയിട്ടുണ്ട്. വോട്ട് ചോദിക്കാൻ ജനങ്ങളുടെ വീട്ടുപടിക്കൽ എത്തുന്ന രാഷ്ട്രീയക്കാരും ഭരണാധികാരികളും പാവപ്പെട്ടവരുടെ പെൻഷൻ ഉറപ്പാക്കാൻ ഇതേ താല്പര്യം കാണിക്കണമെന്ന് മുൻ ഉപമുഖ്യമന്ത്രി ടി.എസ്. സിംഗ് ദിയോ സർക്കാരിനെ വിമർശിച്ചുകൊണ്ട് പ്രതികരിച്ചു.
Summary: A heartbreaking incident has been reported from Chhattisgarh’s Surguja district, where a middle-aged woman named Sukhmaniya carried her 90-year-old mother-in-law on her back for several kilometers under scorching heat to withdraw a monthly pension of Rs 500. The elderly woman’s pension had been halted for four months due to incomplete KYC documentation at the Central Bank of India branch. Following widespread outrage after a video went viral, local authorities intervened to complete the official formalities, disbursed the pending Rs 2,000, and promised future doorstep delivery.
