ഗുവാഹത്തി: അസം നിയമസഭാ തിരഞ്ഞെടുപ്പിന്റെ വോട്ടെണ്ണൽ പുരോഗമിക്കുമ്പോൾ ഭരണകക്ഷിയായ ബിജെപി നേതൃത്വത്തിലുള്ള എൻഡിഎ സഖ്യം വലിയ വിജയത്തിലേക്ക് നീങ്ങുന്നു (Assam Election Results). ആകെയുള്ള 126 സീറ്റുകളിൽ 77 സീറ്റുകളിലും എൻഡിഎ സഖ്യം ലീഡ് ചെയ്യുന്നു. പ്രധാന പ്രതിപക്ഷമായ കോൺഗ്രസ് സഖ്യം 33 സീറ്റുകളിൽ മാത്രമാണ് നിലവിൽ മുന്നിട്ടുനിൽക്കുന്നത്. കേവല ഭൂരിപക്ഷത്തിന് 64 സീറ്റുകളാണ് വേണ്ടത്.
മുഖ്യമന്ത്രി ഹിമന്ത ബിശ്വ ശർമ്മ ജലൂക്ബാരിയിൽ വ്യക്തമായ ഭൂരിപക്ഷത്തോടെ മുന്നേറുന്നു. ബിജെപി സ്ഥാനാർത്ഥി പ്രദ്യുത് ബോർദോലോയ് ദിസ്പൂർ മണ്ഡലത്തിൽ ലീഡ് ചെയ്യുന്നു. ജോർഹട്ടിൽ കോൺഗ്രസ് നേതാവ് ഗൗരവ് ഗൊഗോയ് കടുത്ത പോരാട്ടമാണ് നേരിടുന്നത്. കോൺഗ്രസ് സഖ്യം കൃത്യമായ ഇടവേളകളിൽ ലീഡ് നില നിരീക്ഷിച്ചുവരികയാണെന്ന് അദ്ദേഹം പ്രതികരിച്ചു. ഗുവാഹത്തി സെൻട്രലിൽ യുവ സ്ഥാനാർത്ഥി കുങ്കി ചൗധരി (എജെപി) ബിജെപിയുടെ വിജയ് ഗുപ്തയോട് പിന്നിലാണ്. ശിവസാഗറിൽ അഖിൽ ഗൊഗോയ് മുന്നേറ്റം തുടരുന്നു.
സുരക്ഷാ മുൻകരുതലിന്റെ ഭാഗമായി വോട്ടെണ്ണൽ കേന്ദ്രങ്ങൾക്ക് സമീപം റാലികളും പടക്കം പൊട്ടിക്കുന്നതും അധികൃതർ നിരോധിച്ചിട്ടുണ്ട്. പ്രധാനമന്ത്രി നരേന്ദ്ര മോദിയുടെയും ഹിമന്ത ബിശ്വ ശർമ്മയുടെയും വികസന നയങ്ങൾക്കുള്ള അംഗീകാരമാണ് ഈ മുന്നേറ്റമെന്ന് ബിജെപി വക്താക്കൾ അവകാശപ്പെട്ടു. വോട്ടെണ്ണൽ അവസാന ഘട്ടത്തിലേക്ക് കടക്കുന്നതോടെ കൂടുതൽ വിവരങ്ങൾ ലഭ്യമാകും.
Summary: The BJP-led NDA is heading towards a clear majority in the 2026 Assam Assembly elections, leading in 77 seats out of 126. Chief Minister Himanta Biswa Sarma maintains his lead in Jalukbari, while the Congress-led alliance trails with 33 seats. Notable contests include Gaurav Gogoi’s tight battle in Jorhat and Gen Z candidate Kunki Chowdhury trailing in Guwahati Central. Security has been tightened across counting centers as the ruling party eyes a third consecutive term.
