ആലപ്പുഴയില്‍ പോലീസ് ജീപ്പും ബൈക്കും കൂട്ടിയിടിച്ച് യുവാവ് മരിച്ചു
Updated: Feb 9, 2024, 06:36 IST
ആലപ്പുഴ: തകഴിയില്‍ പോലീസ് ജീപ്പും ബൈക്കും കൂട്ടിയിടിച്ച് യുവാവ് മരിച്ചു. എടത്വ സ്വദേശി സാനി ബേബിയാണ് മരിച്ചത്. വ്യാഴാഴ്ച രാത്രി എട്ടരയോടെ അമ്പലപ്പുഴ-തിരുവല്ല റോഡിലാണ് അപകടം സംഭവിച്ചത്. ഇന്ധനം നിറച്ചശേഷം മടങ്ങുകയായിരുന്ന ആലപ്പുഴ സൗത്ത് സ്റ്റേഷനിലെ പോലീസ് ജീപ്പും യുവാവ് സഞ്ചരിച്ചിരുന്ന ബൈക്കുമാണ് അപകടത്തില്‍പ്പെട്ടത്. യുവാവിനെ ഉടന്‍ വണ്ടാനം മെഡിക്കല്‍ കോളജില്‍ എത്തിച്ചെങ്കിലും ജീവന്‍ രക്ഷിക്കാനായില്ല.