യുവാവ് ഭാര്യാമാതാവിനെ വെട്ടിക്കൊന്നു
Apr 3, 2024, 06:45 IST
മലപ്പുറം: മദ്യലഹരിയിൽ യുവാവ് ഭാര്യാമാതാവിനെ വെട്ടിക്കൊന്നു. മലപ്പുറം വണ്ടൂർ നടുവത്തുണ്ടായ സംഭവത്തിൽ വരിച്ചാലിൽ സൽമത്ത് (52)ആണ് മരിച്ചത്.
ഇന്നലെ വൈകുന്നേരം ആറിനുണ്ടായ സംഭവത്തിൽ സൽമത്തിന്റെ മകളുടെ ഭർത്താവ് സമീറിനെ പോലീസ് കസ്റ്റഡിയിലെടുത്തു. മദ്യപിച്ചെത്തിയ സമീർ വെട്ടുകത്തിയുപയോഗിച്ച് സൽമത്തിന്റെ തലയ്ക്കു വെട്ടുകയായിരുന്നു. സ്ഥിരമായി മദ്യപിച്ചെത്തുന്ന സമീർ വീട്ടുകാരുമായി വഴക്കിടുന്നത് പതിവാണെന്ന് നാട്ടുകാർ പറഞ്ഞു. മൃതദേഹം മഞ്ചേരി മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി.