അട്ടപ്പാടി മിനർവയിൽ കാട്ടാന ഓട്ടോറിക്ഷയും ബൈക്കും തകർത്തു
May 15, 2024, 10:05 IST
അഗളി: കാട്ടാനയുടെ ആക്രമണത്തിൽ വാഹനങ്ങൾ തകർന്നു. മിനർവ സ്വദേശി രഞ്ജിത്തിന്റെ വാഹനങ്ങളാണ് തകർത്തത്. അട്ടപ്പാടി ചിറ്റൂർ മിനർവയിൽ വീടിനു മുന്നിൽ നിർത്തിയിട്ടിരുന്ന ഓട്ടോറിക്ഷയും ബൈക്കും കാട്ടാനയുടെ ആക്രമണത്തിൽ തകർന്നു. ചൊവ്വാഴ്ച രാവിലെ ആറരയോടെയാണ് സംഭവം നടന്നത്. ജനവാസ മേഖലയിൽ രാത്രി ഇറങ്ങിയ കാട്ടാന തിരികെ മടങ്ങുന്നതിനിടെയാണ് മുന്നിൽ വാഹനങ്ങൾ കണ്ടത്. തുടർന്നാണ് ആക്രമണം നടത്തിയത്. സംഭവത്തിൽ ഓട്ടോറിക്ഷക്ക് സാരമായ കേടുപാടുകൾ സംഭവിച്ചിട്ടുണ്ട്. വിവരം ലഭിച്ചതിനെ തുടർന്ന് വനംവകുപ്പിന്റെ ആന സ്ക്വാഡ് സ്ഥലത്തെത്തി.