വയനാട് : കനത്ത മഴയാണ് വയനാട് ജില്ലയിൽ അനുഭവപ്പെടുന്നത്. ഇതോടെ താമരശ്ശേരി ചുരത്തിലൂടെയുള്ള ഗതാഗതത്തിന് ജില്ലാ ഭരണകൂടം നിയന്ത്രണം ഏർപ്പെടുത്തി. കഴിഞ്ഞ 24 മണിക്കൂറിൽ വൈത്തിരി, ലക്കിടി മേഖലകളിൽ അതിതീവ്ര മഴയാണ് രേഖപ്പെടുത്തിയത്.(Wayanad Heavy Rains Thamarassery Churam Traffic Restrictions Collector Advisory)
ചുരത്തിൽ അപകടസാധ്യത നിലനിൽക്കുന്നതിനാൽ വയനാട്ടിൽ നിന്ന് കോഴിക്കോട്ടേക്കും തിരിച്ചുമുള്ള അത്യാവശ്യമല്ലാത്ത എല്ലാ യാത്രകളും പൊതുജനങ്ങൾ ഒഴിവാക്കണമെന്ന് ജില്ലാ കളക്ടർ അറിയിച്ചു. അവശ്യ സർവീസുകൾക്ക് മാത്രമായിരിക്കും ചുരത്തിലൂടെ കടന്നുപോകാൻ അനുമതിയുണ്ടാവുക.
ചരക്കുലോറികൾ ഉൾപ്പെടെയുള്ള വലിയ ഭാരവാഹനങ്ങൾക്ക് ചുരം വഴി നിയന്ത്രണം ഏർപ്പെടുത്തി. മഴക്കെടുതിയും വിനോദസഞ്ചാര മേഖലകളിലെ അപകടസാധ്യതയും കണക്കിലെടുത്ത് വിനോദസഞ്ചാരികളുടെ യാത്രകൾ തടയും. ചുരത്തിലും താഴ്ന്ന പ്രദേശങ്ങളിലും പോലീസും മോട്ടോർ വാഹനവകുപ്പും നിരീക്ഷണം ശക്തമാക്കിയിട്ടുണ്ട്.
Story Summary
Heavy rains in Wayanad prompt traffic restrictions on Thamarassery Churam. District Collector DR Meghashree advises against non-essential travel between Kozhikode and Wayanad, while restricting heavy vehicles and tourists.
