അനധികൃത ഖനനങ്ങളിൽ ഏർപ്പെട്ടിരുന്ന വാഹനങ്ങൾ പിടികൂടി
May 12, 2024, 07:49 IST
കാസർഗോഡ്: അനധികൃത ഖനനങ്ങളിൽ ഏർപ്പെട്ട ആറ് വാഹനങ്ങൾ പിടികൂടി. റവന്യൂ ഉദ്യോഗസ്ഥർ നടത്തിയ പരിശോധനയിലാണ് അനധികൃത ഖനനത്തിൽ ഏർപ്പെട്ടിരുന്ന വാഹനങ്ങൾ പിടികൂടിയത്. കാസർഗോഡ് മഞ്ചേശ്വരത്താണ് സംഭവം നടന്നത്. മഞ്ചേശ്വരം ഭൂരേഖ തഹസിൽദാർ കെ.ജി. മോഹൻ രാജിന്‍റെ നേതൃത്വത്തിൽ താലൂക്ക് സ്‌ക്വാഡാണ് പരിശോധനകൾ നടത്തിയത്. ജില്ലാ കളക്ടർ കെ. ഇമ്പശേഖറിന്‍റെ നിർദേശ പ്രകാരമായിരുന്നു അനധികൃത ഖനനങ്ങൾക്കെതിരായ പരിശോധനകൾ. അനധികൃത ഖനനങ്ങൾക്കെതിരെ ഇനിയും ശക്തമായ നടപടികൾ സ്വീകരിക്കുമെന്ന് ജില്ലാ കളക്ടർ അറിയിച്ചു.