കോഴിക്കോട്: ഊരാളുങ്കൽ ലേബർ കോൺട്രാക്ട് കോ-ഓപ്പറേറ്റീവ് സൊസൈറ്റി ചെയർമാൻ രമേശൻ പാലേരി (66) അന്തരിച്ചു. ഏറെ നാളായി ചികിത്സയിലായിരുന്ന അദ്ദേഹം കോയമ്പത്തൂരിലെ സ്വകാര്യ ആശുപത്രിയിൽ വെച്ച് ചൊവ്വാഴ്ച പുലർച്ചെയാണ് അന്തരിച്ചത്.(ULCCS Chairman Ramesan Paleri Passes Away In Coimbatore)
മൂന്നര പതിറ്റാണ്ടിലേറെയായി ഊരാളുങ്കൽ സൊസൈറ്റിയുടെ നേതൃനിരയിലുള്ള വ്യക്തിയായ രമേശൻ പാലേരി 1995 മുതൽ സ്ഥാപനത്തിന്റെ ചെയർമാനായി പ്രവർത്തിച്ചു വരികയായിരുന്നു. ഊരാളുങ്കലിനെ വളർത്തിയെടുക്കുന്നതിൽ അദ്ദേഹം നിർണായക പങ്ക് വഹിച്ചു. 32 വർഷം സൊസൈറ്റിയെ നയിച്ച പാലേരി കണാരന്റെ മകനാണ്. സൊസൈറ്റിയുടെ രണ്ടാമത്തെ പ്രസിഡന്റായിരുന്ന പാലേരി ചന്തമ്മനാണ് മുത്തച്ഛൻ.
ഉച്ചയ്ക്ക് 2 മണിക്ക് കോഴിക്കോട് ഊരാളുങ്കൽ സൈബർ പാർക്കിൽ ഭൗതികശരീരം പൊതുദർശനത്തിന് വെച്ച ശേഷം സംസ്കാര ചടങ്ങുകൾക്കായി വടകരയിലേക്ക് കൊണ്ടുപോകും. അദ്ദേഹത്തിന്റെ നിര്യാണത്തിൽ വിവിധ രാഷ്ട്രീയ-സാമൂഹിക മേഖലകളിലെ പ്രമുഖർ അനുശോചനം രേഖപ്പെടുത്തി.
Story Summary
ULCCS Chairman Ramesan Paleri passed away at the age of 66 while undergoing treatment for cancer at a private hospital in Coimbatore. Having served as the chairman since 1995, he played a pivotal role in shaping ULCCS into Asia’s largest labor cooperative society.
