കോഴിക്കോട്: സി പി ഐ എം മുതിർന്ന നേതാവും കോഴിക്കോട് കോർപ്പറേഷൻ മുൻ മേയറുമായ ടി പി ദാസൻ (76) അന്തരിച്ചു. വെള്ളിയാഴ്ച രാത്രി 11.30-ഓടെ കോഴിക്കോട്ടെ സഹകരണ ആശുപത്രിയിലായിരുന്നു അന്ത്യം. അസുഖത്തെത്തുടർന്ന് ചികിത്സയിലായിരുന്നു അദ്ദേഹം.(TP Dasan Passes Away, Senior CPIM Leader And Former Kozhikode Mayor Passes Away)
1967-ൽ സി പി ഐ എമ്മിൽ അംഗമായ ടി പി ദാസൻ, ദീർഘകാലം പാർട്ടിയുടെ കോഴിക്കോട് ജില്ലാ സെക്രട്ടേറിയറ്റിൽ പ്രവർത്തിച്ചിട്ടുണ്ട്. കെ എസ് എഫ് വഴി രാഷ്ട്രീയത്തിലെത്തിയ അദ്ദേഹം, സംഘടനയുടെ ജില്ലാ സെക്രട്ടറി, സംസ്ഥാന ജോയിന്റ് സെക്രട്ടറി എന്നീ നിലകളിൽ മികവുറ്റ പ്രവർത്തനം കാഴ്ചവെച്ചു.
കോഴിക്കോട് കോർപ്പറേഷൻ മേയർ, കേരള സംസ്ഥാന സ്പോർട്സ് കൗൺസിൽ പ്രസിഡന്റ് തുടങ്ങിയ ഉന്നത പദവികൾ വഹിച്ചിട്ടുണ്ട്. സി പി ഐ എം കോഴിക്കോട് ടൗൺ ഏരിയാ കമ്മിറ്റി അംഗമായി അദ്ദേഹം സജീവമായിരുന്നു. പൊതുപ്രവർത്തന രംഗത്ത് വലിയ സംഭാവനകൾ നൽകിയ വ്യക്തിത്വമായിരുന്നു ടി പി ദാസൻ.
Story Summary
Senior CPI(M) leader and former Kozhikode Mayor T.P. Dasan passed away at the age of 76. A veteran figure in Kerala politics, he served as the first state president of DYFI and was known for his significant contributions as the president of the Kerala State Sports Council.
