വിജയപുര: കർണാടകയിലെ വിജയപുരയിൽ ഭൂമിതർക്കത്തെത്തുടർന്ന് ആറുപേർ ക്രൂരമായി കൊല്ലപ്പെട്ടു. ചഡച്ചൻ പോലീസ് സ്റ്റേഷൻ പരിധിയിലെ ഗോവിന്ദപുർ ഗ്രാമത്തിലാണ് സംഭവം. ചന്ദു നിരാലെ, ദുന്ദപ്പ നിരാലെ, ശിവപുത്ര നിരാലെ, രാഹുൽ നിരാലെ, സമർത്ഥ് നിരാലെ, ഷബീർ നദാഫ് എന്നിവരാണ് കൊല്ലപ്പെട്ടത്.(Six People Killed Over Land Dispute In Vijayapura Karnataka)
ഗ്രാമത്തിലെ നിരാലെ കുടുംബവും ഗോളഗി കുടുംബവും തമ്മിൽ ദീർഘകാലമായി നിലനിന്നിരുന്ന ഭൂമി തർക്കമാണ് നാടിനെ നടുക്കിയ കൂട്ടക്കൊലയിൽ കലാശിച്ചത്. പ്രതികൾ ആദ്യം ഇവർക്കുനേരെ വെടിയുതിർക്കുകയും, പിന്നീട് വെട്ടിക്കൊലപ്പെടുത്തുകയുമായിരുന്നുവെന്നാണ് പ്രാഥമിക നിഗമനം.
ഗോളഗി കുടുംബാംഗങ്ങളാണ് ആക്രമണത്തിന് പിന്നിലെന്ന് പോലീസ് സംശയിക്കുന്നു. സംഭവത്തിന് ശേഷം പ്രതികൾ ഒളിവിലാണ്. പോലീസ് കേസെടുത്ത് അന്വേഷണം ഊർജിതമാക്കിയിട്ടുണ്ടെങ്കിലും ആരെയും ഇതുവരെ അറസ്റ്റ് ചെയ്തിട്ടില്ല.
Story Summary
A long-standing land dispute between two families in Govindapur village, Karnataka, escalated into a brutal massacre, leaving six people dead. The victims were allegedly shot and then hacked to death by members of the rival family, with police currently conducting an investigation to apprehend the perpetrators.
