തൃശൂർ: പൂങ്കുന്നത്തെ വീട്ടിൽ നിന്ന് നാല് ദിവസത്തിനിടെ 20 മലമ്പാമ്പിൻ കുഞ്ഞുങ്ങളെ പിടികൂടി. തുടർച്ചയായി പാമ്പിൻ കുഞ്ഞുങ്ങളെ കണ്ടതിനെത്തുടർന്ന് വീട്ടുകാർ വലിയ ആശങ്കയിലായിരുന്നു. വീടിന്റെ മുറ്റത്തെ ഇന്റർലോക്കും മതിലും പൊളിച്ച് വനംവകുപ്പ് ഉദ്യോഗസ്ഥർ നടത്തിയ വിശദമായ പരിശോധനയിൽ 22 വിരിഞ്ഞ പാമ്പിൻ മുട്ടകളും കണ്ടെത്തി.(Thrissur family finds 20 python hatchlings in home over four days)
ചൊവ്വാഴ്ച 12, ബുധനാഴ്ച 6, വ്യാഴാഴ്ച 2 എന്നിങ്ങനെയാണ് പാമ്പിൻ കുഞ്ഞുങ്ങളെ പിടികൂടിയത്. വീട്ടുകാരും വനം വകുപ്പ് ഉദ്യോഗസ്ഥരും നാല് ദിവസമായി ഉറക്കമൊഴിച്ച് കാവലിരുന്നാണ് ഇവയെ ഓരോന്നായി പിടികൂടിയത്. പരിസരത്ത് ഇനിയും പാമ്പുകൾ ഉണ്ടെന്ന ഭയത്തിലായിരുന്നു കുടുംബം.
മുറ്റം പൊളിച്ച് നടത്തിയ തിരച്ചിലിൽ പാമ്പിൻ കുഞ്ഞുങ്ങളെ കണ്ടെത്താനായില്ലെങ്കിലും, 22 വിരിഞ്ഞ മുട്ടകൾ ലഭിച്ചത് വലിയ സൂചനയായി. ഇതിൽ രണ്ട് പാമ്പിൻ കുഞ്ഞുങ്ങൾ നേരത്തെ തോട്ടിലേക്ക് പോയതായി വീട്ടുകാർ സംശയിക്കുന്നു.
Story Summary
A family in Punkunnam, Thrissur, faced a four-day ordeal after discovering 20 python hatchlings inside their home. After an intensive search that involved dismantling the courtyard, forest officials discovered 22 empty eggshells, bringing relief to the family as authorities confirmed there is no longer a threat of more snakes in the vicinity.
