തിരുവനന്തപുരം: യുഡിഎഫ് സർക്കാർ പുറത്തിറക്കിയ ധവളപത്രത്തിലൂടെ സംസ്ഥാനത്ത് കടുത്ത ജനദ്രോഹ നടപടികൾക്കാണ് തുടക്കമിട്ടിരിക്കുന്നതെന്ന് സി.പി.ഐ.എം കേന്ദ്ര കമ്മിറ്റി അംഗവും മുൻ ധനമന്ത്രിയുമായ ടി.എം. തോമസ് ഐസക് (Thomas Isaac Against UDF Government White Paper). പുതിയ നയപ്രകാരം കേരളത്തിൽ ഇനി ശമ്പളപരിഷ്കരണം ഉണ്ടാകില്ലെന്നും, ജീവനക്കാരുടെ റിട്ടയർമെന്റ് പ്രായം ഉയർത്തുമെന്നും അദ്ദേഹം വാർത്താസമ്മേളനത്തിൽ കുറ്റപ്പെടുത്തി. പാവപ്പെട്ടവർക്കുള്ള ക്ഷേമപെൻഷനുകൾ ഇനിമുതൽ വീട്ടിൽ കൊണ്ട് തരില്ലെന്നും, നിലവിലുള്ള പല ക്ഷേമപദ്ധതികളും പൂർണ്ണമായി അവതാളത്തിലാകുമെന്നും ധവളപത്രം വ്യക്തമാക്കുന്നുണ്ടെന്ന് അദ്ദേഹം ചൂണ്ടിക്കാട്ടി. കോൺഗ്രസ് പ്രകടനപത്രികയിൽ വാഗ്ദാനം ചെയ്ത ഒരു ഇന്ദിരാ ഗ്യാരന്റിയും കേരളത്തിൽ നടപ്പിലാക്കാൻ ഈ സർക്കാരിന് സാധിക്കില്ലെന്നാണ് ഇതിലൂടെ തെളിയുന്നത്.
കേരളം കടക്കെണിയിലാണെന്ന വ്യാജപ്രതീതി സൃഷ്ടിച്ച് പൊതുമേഖലാ സ്ഥാപനങ്ങൾ പലതും സ്വകാര്യവൽക്കരിക്കാനും പൂട്ടാനുമാണ് യുഡിഎഫ് ശ്രമിക്കുന്നത്. എൽഡിഎഫ് സർക്കാർ ധനസമാഹരണത്തിനായി സ്വീകരിച്ച നയങ്ങൾ തെറ്റാണെന്ന് പറയുന്നവർ, പകരം പണം കണ്ടെത്താൻ എന്ത് ചെയ്യുമെന്നതിൽ യാതൊരു വ്യക്തതയും വരുത്തുന്നില്ല. കിഫ്ബി ഉൾപ്പെടെയുള്ള വികസന പദ്ധതികളെ തകർക്കാനുള്ള കേന്ദ്ര സർക്കാർ നിലപാടിനെയാണ് യുഡിഎഫ് ഇപ്പോൾ പിന്താങ്ങുന്നത്. ഗവർണ്ണറുടെ നയപ്രഖ്യാപന പ്രസംഗത്തിൽ പോലും കേന്ദ്ര അവഗണനയ്ക്കെതിരെ ഒരു വാക്ക് പോലും പറയാൻ സംസ്ഥാന സർക്കാർ തയ്യാറായിട്ടില്ല. യുഡിഎഫ് സർക്കാരിന്റെ മുൻഗണന ഇന്ദിരാ ഗ്യാരന്റിയോടാണോ, ക്ഷേമപദ്ധതികളോടാണോ, അതോ സാമ്പത്തിക അച്ചടക്കത്തോടാണോ എന്ന് വ്യക്തമാക്കണമെന്നും തോമസ് ഐസക് ആവശ്യപ്പെട്ടു.
Summary: CPIM Central Committee member T.M. Thomas Isaac criticized the UDF government’s white paper, stating it reveals that no “Indira Guarantee” will be implemented in Kerala. He warned that the new policies would freeze salary revisions, raise the retirement age, stop home delivery of welfare pensions, and lead to the privatization of public sector units. Accusing the government of backing the Center’s stance against KIIFB and omitting federal neglect from the Governor’s policy address, Isaac claimed the white paper merely creates a false alarm of a debt trap.
