നവജാതശിശുവിനെ കൊന്ന്​ കുഴിച്ചുമൂടിയ കേസ്​; വി​ചാ​ര​ണ​ തുടങ്ങി 
 

കൊ​ല്ലം: പു​ത്തൂ​രി​ൽ ന​വ​ജാ​ത​ശി​ശു​വി​നെ കൊ​ന്ന്​ കു​ഴി​ച്ചു​മൂ​ടി​യ കേ​സി​ൽ വി​ചാ​ര​ണ​ക്ക്​ തു​ട​ക്കം. പു​ത്തൂ​ർ കാ​രി​ക്ക​ൽ​മു​റി കൊ​ല്ല​ര​ഴി​ക​ത്ത് വീ​ട്ടി​ൽ അ​മ്പി​ളി പ്ര​സ​വി​ച്ച കു​ഞ്ഞി​നെ കൊ​ല​പ്പെ​ടു​ത്തി​യ കേ​സി​ലാ​ണ്​ കൊ​ല്ലം ഫ​സ്റ്റ് അ​ഡീ​ഷ​ന​ൽ ജി​ല്ല സെ​ഷ​ൻ​സ് ജ​ഡ്ജ് പി.​എ​ൻ. വി​നോ​ദ് മു​മ്പാ​കെ വി​ചാ​ര​ണ ആരംഭിച്ചത്.  

2018 ഏ​പ്രി​ൽ 17ന്​ ​അ​മ്പി​ളി​യു​ടെ ബ​ന്ധു​വീ​ട്​ സ്ഥി​തി​ചെ​യ്യു​ന്ന കൊ​ല്ലം പ​വി​ത്രേ​ശ്വ​രം ഗു​രു​നാ​ഥ​ക്ഷേ​ത്ര​ത്തി​ന് സ​മീ​പ​ത്തു​ള്ള പ​റ​മ്പി​ൽ​നി​ന്നാ​ണ് നാ​യ്ക്ക​ൾ ക​ടി​ച്ച​നി​ല​യി​ൽ ന​വ​ജാ​ത ശി​ശു​വി​ന്റെ മൃ​ത​ദേ​ഹം ക​ണ്ടെ​ത്തി​യ​ത്. പ്ര​ദേ​ശ​വാ​സി​ക​ളു​ടെ​യും ആ​ശാ​വ​ർ​ക്ക​ർ​മാ​രു​ടെ​യും സ​ഹാ​യ​ത്തോ​ടെ പൊ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ശി​ശു​വി​ന്റെ മാ​താ​വാ​യ അ​മ്പി​ളി​യും ഭ​ർ​ത്താ​വ് മഹേഷിനെയും അറസ്റ്റ് ചെയ്തത്.  ഭാ​ര്യ ഗ​ർ​ഭി​ണി​യാ​ണെ​ന്ന കാ​ര്യം മ​റ​ച്ചു​വെ​ക്കു​ക​യും ഗ​ർ​ഭ​ച്ഛി​ദ്ര​ത്തി​ന് പ​ല​ത​വ​ണ ശ്ര​മി​ക്കു​ക​യും ചെ​യ്​​തെ​ന്നാ​ണ്​ മ​ഹേ​ഷി​നെ​തി​രെ​യു​ള്ള കു​റ്റം. 

കേസിൽ ആ​ദ്യ​ദി​ന​ത്തി​ൽ ര​ണ്ട്​ സാ​ക്ഷി​ക​ളെ വി​സ്ത​രി​ച്ച​തി​ൽ ഒ​രാ​ൾ കൂ​റു​മാ​റി. പ​വി​ത്രേ​ശ്വ​രം പ​ഞ്ചാ​യ​ത്ത്​ പ്ര​സി​ഡ​ന്‍റും സം​ഭ​വ​സ​മ​യ​ത്ത്​ വാ​ർ​ഡ്​ മെം​ബ​റു​മാ​യി​രു​ന്ന വി. ​രാ​ധാ​കൃ​ഷ്ണ​ൻ, അ​യ​ൽ​ക്കാ​രി ര​ത്​​ന​മ്മ എ​ന്നി​വ​രെ​യാ​ണ്​ വി​സ്ത​രി​ച്ച​ത്. പൊ​ലീ​സി​നെ സം​ഭ​വം ആ​ദ്യം അ​റി​യി​ച്ച​യാ​ളാ​യ വി. ​രാ​ധാ​കൃ​ഷ്ണ​ൻ ത​ന്‍റെ പ​ഴ​യ മൊ​ഴി ആ​വ​ർ​ത്തി​ച്ച​പ്പോ​ൾ ര​ത്​​ന​മ്മ​യാ​ണ്​ ​പൊ​ലീ​സി​ന്​ ന​ൽ​കി​യ മൊ​ഴി കോ​ട​തി​യി​ൽ മാ​റ്റി​പ്പ​റ​ഞ്ഞ​ത്. അ​മ്പി​ളി ഗ​ർ​ഭി​ണി​യാ​യി​രു​ന്ന​തും ര​ഹ​സ്യ​മാ​യി പ്ര​സ​വി​ച്ച​തും അ​റി​യാ​മാ​യി​രു​ന്നെ​ന്നും കു​ഞ്ഞി​ന്‍റെ മൃ​ത​ദേ​ഹം ക​ണ്ട​താ​യു​മാ​ണ്​ നേ​ര​ത്തേ ​ഇ​വ​ർ പൊ​ലീ​സി​ൽ മൊ​ഴി ന​ൽ​കി​യ​ത്. എ​ന്നാ​ൽ, ഒ​ന്നു​മ​റി​യി​ല്ലെ​ന്നാ​ണ്​ കോ​ട​തി​യി​ൽ പ​റ​ഞ്ഞ​ത്. ഇ​വ​ർ കൂ​റു​മാ​റി​യ​താ​യി കോ​ട​തി പ്ര​ഖ്യാ​പി​ച്ചു. ദ​മ്പ​തി​ക​ളു​ടെ വീ​ട്ടി​ലെ​ത്തി ഗ​ർ​ഭ​വി​വ​ര​ങ്ങ​ൾ അ​ന്വേ​ഷി​ച്ചി​രു​ന്ന ആ​ശ വ​ർ​ക്ക​റെ​യും കു​ടും​ബ​ശ്രീ സെ​ക്ര​ട്ട​റി​യെ​യും ചൊ​വ്വാ​ഴ്ച വി​സ്ത​രി​ക്കും. പ്രോ​സി​ക്യൂ​ഷ​നു​വേ​ണ്ടി പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ. സി​സി​ൻ ജി. ​മു​ണ്ട​യ്ക്ക​ൽ ഹാ​ജ​രാ​യി.