റോ​ബി​ൻ ബസിനെതിരായ നടപടി പ്രതികാരമല്ല; നി​യ​മം എ​ല്ലാ​വ​രും പാ​ലി​ക്ക​ണ​മെ​ന്ന് ആന്റണി രാജു 
 

കാ​സ​ർ​ഗോ​ഡ്: പ​ത്ത​നം​തി​ട്ട​യി​ൽ നി​ന്ന് കോ​യ​മ്പ​ത്തൂ​രി​ലേ​ക്ക് സ​ർ​വീ​സ് ന​ട​ത്തു​ന്ന റോ​ബി​ൻ ബ​സ് മോ​ട്ടോ​ർ വാ​ഹ​ന​വ​കു​പ്പ് ഉ​ദ്യോ​ഗ​സ്ഥ​ർ ത​ട​ഞ്ഞ​ത് പ്ര​തി​കാ​ര​ന​ട​പ​ടി​യ​ല്ലെ​ന്ന് വ്യക്തമാക്കി ഗ​താ​ഗ​ത മ​ന്ത്രി ആ​ന്‍റ​ണി രാ​ജു. നി​യ​മം എ​ല്ലാ​വ​രും ഒരുപോലെ പാ​ലി​ക്ക​ണ​മെ​ന്നും മ​ന്ത്രി കാ​സ​ർ​ഗോ​ട്ട് പ​റ​ഞ്ഞു.

ന​വ​കേ​ര​ള സ​ദ​സി​ന്‍റെ ഭാ​ഗ​മാ​യു​ള്ള യാ​ത്ര​ക്ക് ഉ​പ​യോ​ഗി​ക്കു​ന്ന​ത് ഒ​രു പാ​വം ബ​സ് ആ​ണെ​ന്നും കൊ​ല​ക്കേ​സ് പ്ര​തി​യെ കാ​ണു​ന്ന​തു​പോ​ലെ അ​തി​നെ കാ​ണേ​ണ്ട കാര്യമില്ലെന്നും മ​ന്ത്രി പ​റ​ഞ്ഞു. ഫ്രി​ഡ്‌​ജോ ഓ​വ​നോ കി​ട​പ്പു മു​റി​യോ മറ്റ് സജ്ജീകരണങ്ങളോ ബ​സി​ൽ ഇ​ല്ല. ആ​കെ​യു​ള്ള​ത് ശു​ചി​മു​റി​യും ബ​സി​ൽ ക​യ​റാ​ൻ ഓ​ട്ടാ​മാ​റ്റി​ക് സം​വി​ധാ​ന​വും മാ​ത്ര​മാ​ണെ​ന്നും അ​ദ്ദേ​ഹം കൂട്ടിച്ചേർത്തു.

അ​തേ​സ​മ​യം, റോ​ബി​ൻ ബ​സി​നെ വ​ഴി​യി​ൽ ത​ട​ഞ്ഞു​ള്ള പ​രി​ശോ​ധ​ന തു​ട​രു​ക​യാ​ണ്. പു​റ​പ്പെ​ട്ടതിന് ശേ​ഷം നാലിലേറെ തവണയാണ് ഇ​തു​വ​രെ ബ​സ് ത​ട​ഞ്ഞ​ത്. പ​ത്ത​നം​തി​ട്ട, പാ​ലാ, അ​ങ്ക​മാ​ലി, പു​തു​ക്കാ​ട് എ​ന്നി​വി​ട​ങ്ങ​ളി​ലെ​ത്തി​യ​പ്പോ​ഴാ​ണ് എം​വി​ഡി ഉ​ദ്യോ​ഗ​സ്ഥ​ർ ബ​സ് ത​ട​ഞ്ഞ​ത്. പ​രി​ശോ​ധ​ന ന​ട​ത്തി​യ ശേ​ഷം പി​ഴ​യീ​ടാ​ക്കി​യാ​ണ് ബ​സ് വി​ടു​ന്ന​ത്.