ബിവറേജ് ഔട്ട്ലറ്റിൽ നിന്നും മദ്യം മോഷ്ടിച്ചു; അഞ്ചുപേർ പിടിയിൽ
Sat, 18 Mar 2023
കോഴിക്കോട്: നഗരത്തിലുള്ള പ്രീമിയം ബീവറേജ് ഔട്ട്ലറ്റിൽ നിന്നും മദ്യം മോഷ്ടിച്ച അഞ്ചുപേർ പിടിയിൽ. എറണാകളും സ്വദേശികളായ സുഹൈൽ (19), ഫാറൂഖ് (19), അൻസിൽ (18), തൻവീർ (18), പ്രായപൂർത്തിയാവാത്ത ഒരാൾ തുടങ്ങിയവരെയാണ് കസബ പോലീസ് അറസ്റ്റുചെയ്തത്. മാർച്ച് 12ന് പാവമണി റോഡിലെ ഔട്ട്ലറ്റിൽ നിന്നും ആറു കുപ്പി മദ്യമാണ് സംഘം കവർന്നത്. എറണാകുളത്ത് നിന്നും കോഴിക്കോട്ടെത്തിയ സംഘം മദ്യം വാങ്ങാനെന്ന രീതിയിൽ ഔട്ട്ലെറ്റിലെത്തുകയും ആൾ തിരക്കില്ലാത്ത ഭാഗത്തുനിന്ന് മദ്യമെടുത്ത് ശരീരത്തിൽ ഒളിപ്പിച്ച് പുറത്തുകടക്കുകയുമായിരുന്നു. പരാതി ലഭിച്ചതിനെ തുടർന്ന് പോലീസ് ഔട്ട്ലെറ്റിലെ സിസിടിവി ക്യാമറ ദൃശ്യങ്ങൾ പരിശോധിച്ചപ്പോഴാണ് മോഷണം വ്യക്തമായത്. തുടർന്ന് പ്രതികളുടെ ദൃശ്യങ്ങൾ മറ്റു സ്റ്റേഷനുകളിലേക്കും നൽകിയതോടെ എറണാകുളം സ്വദേശികളാണെന്ന് മനസിലാക്കുകയും പിന്നാലെ പോലീസ് എറണാകുളത്തുഎത്തി പ്രതികളെ അറസ്റ്റു ചെയ്യുമായുമായിരുന്നു.