പാലക്കാട്ട് മാങ്ങ മോഷ്ടിച്ചെന്ന് ആരോപിച്ച് പതിനേഴുകാരന് ക്രൂര മർദ്ദനം
Updated: May 25, 2023, 19:53 IST
![പാലക്കാട്ട് മാങ്ങ മോഷ്ടിച്ചെന്ന് ആരോപിച്ച് പതിനേഴുകാരന് ക്രൂര മർദ്ദനം](https://timeskerala.com/static/c1e/client/91214/uploaded/eaec72b551ea45b42e21b6a68e33be59.jpg)
പാലക്കാട്: മാങ്ങയും പണവും മോഷ്ടിച്ചെന്ന് ആരോപിച്ച് പതിനേഴുകാരനെ കെട്ടിയിട്ടു മർദ്ദിച്ചു. ഞായറാഴ്ച പാലക്കാട് എരുത്തേമ്പതിയിലാണ് സംഭവം നടന്നത്. പരമശിവം, ഭാര്യ ജ്യോതി മണി, മകൻ വസന്ത് എന്നിവർ ചേർന്നാണ് മർദ്ദിച്ചത്. ചെരുപ്പു കൊണ്ടും വടി കൊണ്ടുമാണ് പ്രതികൾ മർദ്ദിച്ചത്.
പണവും മാമ്പഴവും മോഷ്ടിക്കുന്നതിന്റെ സിസിടിവി ദൃശ്യം കണ്ടാണ് മർദ്ദിച്ചതെന്നാണ് പ്രതികൾ പറയുന്നത്. സംഭവത്തിൽ ഇന്ന് കൊഴിഞ്ഞാമ്പാറ പോലീസിൽ പരാതി നൽകി.