തിരുവനന്തപുരം: ശബരിമല തന്ത്രി സ്ഥാനത്ത് നിന്നും തന്നെ മാറ്റണമെന്ന ആവശ്യവുമായി കണ്ഠര് രാജീവര് രംഗത്ത്. ഈ ആവശ്യമുന്നയിച്ച് അദ്ദേഹം തിരുവിതാംകൂർ ദേവസ്വം ബോർഡിന് ഔദ്യോഗികമായി കത്ത് നൽകി. വരാനിരിക്കുന്ന മണ്ഡല-മകരവിളക്ക് തീർത്ഥാടന കാലത്ത് തന്ത്രി ചുമതലകൾ നിർവ്വഹിക്കേണ്ടത് കണ്ഠര് രാജീവരായിരുന്നു.(Sabarimala Thantri Kandararu Rajeevaru requests to step down)
സ്വർണ്ണക്കൊള്ള കേസിൽ പ്രതിയായതിന് പിന്നാലെയാണ് പദവികളിൽ നിന്ന് മാറിനിൽക്കാനുള്ള തന്ത്രിയുടെ അപ്രതീക്ഷിത നീക്കം. ശബരിമല മേൽശാന്തിമാരെ തിരഞ്ഞെടുക്കുന്നതിനുള്ള ഇന്റർവ്യൂ ബോർഡിൽ നിന്നും തന്നെ ഒഴിവാക്കണമെന്നും കത്തിൽ ആവശ്യപ്പെട്ടിട്ടുണ്ട്.
തനിക്ക് പകരം മകൻ ബ്രഹ്മദത്തനെ സ്ഥാനത്തേക്ക് നിയമിക്കണമെന്നാണ് കണ്ഠര് രാജീവരുടെ പ്രധാന ആവശ്യം. എന്നാൽ, ശബരിമല തന്ത്രി പദവി പോലുള്ള അതീവ പ്രാധാന്യമുള്ള വിഷയമായതിനാൽ നിയമപരമായ വശങ്ങൾ പരിശോധിച്ച ശേഷമേ അന്തിമ തീരുമാനമെടുക്കൂ എന്ന നിലപാടിലാണ് ദേവസ്വം ബോർഡ്. വിഷയം ഹൈക്കോടതിയുടെ ശ്രദ്ധയിൽപ്പെടുത്തി, കോടതിയുടെ അനുമതിയോടെ മാത്രം തുടർനടപടികൾ സ്വീകരിക്കാനാണ് ബോർഡ് നിലവിൽ തീരുമാനിച്ചിരിക്കുന്നത്.
Story Summary
Sabarimala Thantri Kandararu Rajeevaru has written to the Travancore Devaswom Board requesting to step down from his position and remove him from the Melshanthi interview board. Following his involvement as an accused in a gold smuggling case, Rajeevaru proposed his son Brahmadathan for the position, while the board decided to seek High Court approval before making a final decision.
