തിരുവനന്തപുരം: ശബരിമലയിലെ ദ്വാരപാലക ശിൽപനിർമ്മാണവുമായി ബന്ധപ്പെട്ട സ്വർണത്തരിമറി കേസിൽ തനിക്ക് യാതൊരു പങ്കുമില്ലെന്ന് പി.എസ്. പ്രശാന്ത്. ഗൂഢാലോചന നടത്തിയെന്ന ആരോപണം അടിസ്ഥാനരഹിതമാണെന്ന് അദ്ദേഹം വ്യക്തമാക്കി. 2025-ൽ കോടതിയെ അറിയിക്കാതെ സ്വർണം കൊണ്ടുപോയത് മാത്രമാണ് സംഭവിച്ച വീഴ്ചയെന്നും, എന്നാൽ ഇതിൽ സ്വർണം നഷ്ടപ്പെട്ടിട്ടില്ലെന്നും അദ്ദേഹം അവകാശപ്പെട്ടു.(Sabarimala gold theft case, PS Prashanth denies involvement)
തന്റെ നേതൃത്വത്തിലുള്ള ദേവസ്വം ബോർഡാണ് 2019-ലെ സ്വർണക്കൊള്ളയുമായി ബന്ധപ്പെട്ട ഫയലുകൾ കോടതിയിൽ സമർപ്പിച്ചത്. എന്തെങ്കിലും മറച്ചുവെക്കാൻ ഉദ്ദേശിച്ചിരുന്നെങ്കിൽ ഈ ഫയലുകൾ അനായാസം മാറ്റാമായിരുന്നുവെന്നും പ്രശാന്ത് ചൂണ്ടിക്കാട്ടി. തന്നെ പ്രതിചേർത്തതിന് പിന്നിൽ ഗൂഢാലോചനയുണ്ടെന്നും ഇതിനെതിരെ നിയമനടപടി സ്വീകരിക്കുമെന്നും അദ്ദേഹം പറഞ്ഞു.
സംഭവത്തിൽ കൃത്യമായ അന്വേഷണം വേണമെന്ന് ആദ്യം ആവശ്യപ്പെട്ടത് ദേവസ്വം ബോർഡ് തന്നെയാണെന്നും അദ്ദേഹം കൂട്ടിച്ചേർത്തു. ശബരിമലയിലെ ദ്വാരപാലക ശിൽപങ്ങളുടെ നിർമ്മാണത്തിനായി നൽകിയ സ്വർണം ഉപയോഗിച്ചതിലാണ് ക്രമക്കേട് നടന്നതായി ആരോപണമുയർന്നത്. തന്റെ നിരപരാധിത്വം കോടതിയെ ബോധ്യപ്പെടുത്തുമെന്നും പി.എസ്. പ്രശാന്ത് ആവർത്തിച്ചു.
Story Summary
Former Travancore Devaswom Board President P.S. Prashanth has denied any involvement in the alleged gold misappropriation case linked to the construction of Sabarimala’s Dwarapala statues. While admitting to a procedural lapse in 2025 regarding the handling of gold without court notification, he termed the conspiracy allegations baseless and stated that he is ready to cooperate with the ongoing High Court-monitored investigation.
