കൊല്ലം: ലഹരിവ്യാപനത്തിനെതിരെ സർക്കാർ സംവിധാനങ്ങളുടെ നേതൃത്വത്തിൽ നടപ്പാക്കുന്ന പ്രവർത്തനങ്ങളെ പിന്തുണയ്ക്കാൻ പൊതുസമൂഹവും സജീവമായി രംഗത്തിറങ്ങണമെന്ന് ആഭ്യന്തര മന്ത്രി രമേശ് ചെന്നിത്തല. സംസ്ഥാന സർക്കാരിന്റെ ‘തൂഫാൻ’ ലഹരി പ്രതിരോധ ക്യാമ്പയിന്റെ ഭാഗമായി വിമലഹൃദയ ഗേൾസ് ഹയർ സെക്കൻഡറി സ്കൂളിൽ സംഘടിപ്പിച്ച ‘തൂഫാനൊപ്പം എന്റെ വിദ്യാലയം’ പരിപാടിയുടെ ഉദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം.(Ramesh Chennithala Inaugurates School Anti Drug Campaign In Kollam)
‘ഓപ്പറേഷൻ തൂഫാൻ’ പദ്ധതിയിലൂടെ ഒരു മാസത്തിനുള്ളിൽ സംസ്ഥാനത്ത് 4500 ലഹരി കേസുകൾ രജിസ്റ്റർ ചെയ്യുകയും 5600 പേരെ അറസ്റ്റ് ചെയ്യുകയും ചെയ്തിട്ടുണ്ട്. ഏതാണ്ട് 40 കോടി രൂപയോളം വിലമതിക്കുന്ന മയക്കുമരുന്നുകളാണ് പോലീസ് ഇതുവരെ പിടിച്ചെടുത്തത്. ലഹരി ഉപയോഗിക്കാൻ പ്രേരിപ്പിക്കുന്നവർക്കും അത് വിൽക്കുന്നവർക്കും എതിരെ കർശനമായ നിയമനടപടികൾ ഉണ്ടാകും.
രാസലഹരി, ഹൈബ്രിഡ് ലഹരിവസ്തുക്കൾ എന്നിവയുടെ വ്യാപനം തടയാൻ നിരീക്ഷണ സംവിധാനങ്ങൾ കൂടുതൽ ശക്തമാക്കുമെന്നും ഐജി റാങ്കിലുള്ള ഉദ്യോഗസ്ഥന്റെ മേൽനോട്ടത്തിൽ ഇതിനായി പ്രത്യേക പോലീസ് സംവിധാനം താഴെത്തട്ടിലേക്ക് വ്യാപിപ്പിക്കുമെന്നും അദ്ദേഹം പറഞ്ഞു. വിവിധ മാർഗ്ഗങ്ങളിലൂടെയുള്ള ലഹരി കടത്ത് ശക്തമായ എൻഫോഴ്സ്മെന്റ് സംവിധാനങ്ങളിലൂടെ ഇല്ലാതാക്കും. യുവതലമുറയെ ലഹരി വിപത്തിൽ നിന്നും മോചിപ്പിക്കാൻ നിരന്തരമായ പ്രവർത്തനങ്ങൾ ഉറപ്പാക്കുമെന്നും അദ്ദേഹം കൂട്ടിച്ചേർത്തു. തുടർന്ന് ലഹരിവിരുദ്ധ പ്രതിജ്ഞ ചൊല്ലിക്കൊടുത്ത അദ്ദേഹം ക്യാമ്പയിന്റെ ഭാഗമായി സംഘടിപ്പിച്ച വിവിധ മത്സരങ്ങളിലെ വിജയികൾക്ക് പുരസ്കാരങ്ങൾ വിതരണം ചെയ്തു.
Story Summary
Home Minister Ramesh Chennithala urged the public to support the government’s anti-narcotic initiatives while inaugurating the ‘My School with Toofan’ campaign at Vimala Hridaya Girls Higher Secondary School. He highlighted that under Operation Toofan, around 4,500 drug cases were registered and contraband worth 40 crore rupees was seized within a month, emphasizing stricter monitoring against synthetic and hybrid drugs.
