കോട്ടയം: സ്ത്രീകൾക്ക് കെഎസ്ആർടിസിയിൽ സൗജന്യയാത്ര അനുവദിച്ചുകൊണ്ടുള്ള സംസ്ഥാന സർക്കാരിന്റെ ‘പ്രിയദർശിനി’ പദ്ധതി സ്വകാര്യ ബസ് വ്യവസായത്തെ കടുത്ത പ്രതിസന്ധിയിലാക്കിയെന്ന് ആരോപിച്ച് തെക്കൻ കേരളത്തിലെ നാല് ജില്ലകളിൽ ഇന്ന് സ്വകാര്യ ബസുകൾ പണിമുടക്കുന്നു. കോട്ടയം, പത്തനംതിട്ട, കൊല്ലം, ആലപ്പുഴ ജില്ലകളിലാണ് ഇന്ന് സൂചന പണിമുടക്ക് നടക്കുന്നത്.(Private Bus Strike In Four Districts In Kerala Over KSRTC Free Travel Scheme For Women)
പ്രമുഖ ബസ് ഓപ്പറേറ്റേഴ്സ് അസോസിയേഷനുകളുടെ നേതൃത്വത്തിൽ വിവിധ താലൂക്ക് കേന്ദ്രങ്ങളിലേക്ക് മാർച്ചും ധർണയും സംഘടിപ്പിച്ചിട്ടുണ്ട്. കെഎസ്ആർടിസിയിൽ സ്ത്രീകൾക്ക് പൂർണ്ണ സൗജന്യയാത്ര ഏർപ്പെടുത്തിയതോടെ സ്വകാര്യ ബസുകളിലെ യാത്രാക്കാരുടെ എണ്ണത്തിൽ വൻ ഇടിവുണ്ടായതായും ദൈനംദിന ചെലവുകൾക്കും ഡീസൽ അടിക്കാനുമുള്ള വരുമാനം പോലും ലഭിക്കുന്നില്ലെന്നുമാണ് ഉടമകൾ പറയുന്നത്.
ആലപ്പുഴ ജില്ലയിൽ ‘ജില്ലാ ബസ് ഓപ്പറേറ്റേഴ്സ് അസോസിയേഷൻ’, ‘കേരള ബസ് ട്രാൻസ്പോർട്ട് അസോസിയേഷൻ’ എന്നീ സംഘടനകളുടെ സംയുക്ത ആഭിമുഖ്യത്തിലാണ് സമരം. ആലപ്പുഴ, ചേർത്തല, മാവേലിക്കര എന്നിവിടങ്ങളിൽ താലൂക്ക് ഓഫീസുകളിലേക്ക് മാർച്ചും ധർണ്ണയും നടക്കും.
Story Summary
Private buses in Kottayam, Pathanamthitta, Kollam, and Alappuzha districts are on a one-day strike protesting against the government’s Priyadarshini scheme, which offers free KSRTC rides for women. Bus owners claim the scheme has crippled their daily revenue.
