കോഴിക്കോട് : കുതിരവട്ടം മാനസികാരോഗ്യ കേന്ദ്രത്തിൽ നിന്ന് നിരീക്ഷണത്തിലായിരുന്ന സ്ത്രീയെ കാണാതായി. ആശുപത്രിയിലെ ഫോറൻസിക് വാർഡിൽ ചികിത്സയിലായിരുന്ന അന്തേവാസിയെയാണ് കഴിഞ്ഞ ദിവസം മുതൽ കാണാതായത്. മലപ്പുറം കുറ്റിപ്പുറം പോലീസിന്റെ അപേക്ഷയെത്തുടർന്ന് തിരൂർ മജിസ്ട്രേറ്റ് കോടതി ഉത്തരവ് പ്രകാരം കഴിഞ്ഞ മാസം 19-നാണ് ഇവരെ ഇവിടെ പ്രവേശിപ്പിച്ചത്.(Patient Goes Missing From Kuthiravattom Mental Health Center)
കുതിരവട്ടം മാനസികാരോഗ്യ കേന്ദ്രത്തിൽ നിന്ന് രോഗികൾ ചാടിപ്പോകുന്നത് ഇതാദ്യമല്ല. സുരക്ഷാ ക്രമീകരണങ്ങളിലെ പാളിച്ചകൾ മൂലം മുൻപും പലതവണ അന്തേവാസികൾ അധികൃതരുടെ കണ്ണുവെട്ടിച്ച് കടന്നുകളഞ്ഞിട്ടുണ്ട്. ഈ സംഭവം സുരക്ഷാ സംവിധാനങ്ങളുടെ പോരായ്മകളിലേക്ക് വീണ്ടും വിരൽ ചൂണ്ടുകയാണ്.
സംഭവം അറിഞ്ഞയുടൻ ആശുപത്രി അധികൃതർ പോലീസിൽ പരാതി നൽകി. കേസ് രജിസ്റ്റർ ചെയ്ത പോലീസ് അന്വേഷണം ആരംഭിച്ചു. ആശുപത്രിയിലെയും പരിസരത്തെയും സിസിടിവി ദൃശ്യങ്ങൾ പോലീസ് പരിശോധിച്ചുവരികയാണ്.
Story Summary
A female patient under observation at the Kuthiravattom Mental Health Center in Kozhikode has gone missing. This incident, occurring after she had been admitted by court order last month, highlights recurring security lapses at the facility, prompting a police investigation into the breach.
