കണ്ണൂർ: മാസപ്പടി കേസുമായി ബന്ധപ്പെട്ട് പ്രതിപക്ഷ നേതാവ് പിണറായി വിജയന്റെ വസതികളിൽ എൻഫോഴ്സ്മെന്റ് ഡയറക്ടറേറ്റ് നടത്തുന്ന അപ്രതീക്ഷിത റെയ്ഡ് ബിജെപിയും കോൺഗ്രസും ചേർന്നുള്ള സംയുക്ത രാഷ്ട്രീയ ഓപ്പറേഷനാണെന്ന് പി. ജയരാജൻ. കേരളത്തിൽ സിപഐഎമ്മിനെയും ഇടതുപക്ഷത്തെയും തകർക്കാനുള്ള കൃത്യമായ ആസൂത്രണമാണ് ഇതിന് പിന്നിൽ നടന്നിട്ടുള്ളതെന്നും സമൂഹം ഇത് തിരിച്ചറിയുമെന്നും അദ്ദേഹം വ്യക്തമാക്കി.(P Jayarajan Terms ED Raid At Pinarayi Vijayan Residence A Joint BJP Congress Political Operation)
കണ്ണൂർ പിണറായിലെ പ്രതിപക്ഷ നേതാവിന്റെ വസതിയിൽ നേരിട്ടെത്തിയാണ് പി. ജയരാജൻ മാധ്യമങ്ങളോട് പ്രതികരിച്ചത്. പ്രധാനമന്ത്രി നരേന്ദ്ര മോദിയും കേരള മുഖ്യമന്ത്രി വി.ഡി. സതീശനും തമ്മിൽ ഡൽഹിയിൽ വെച്ച് കൂടിക്കാഴ്ച നടന്നതിന് തൊട്ടുപിന്നാലെയാണ് ഇഡി ഈ റെയ്ഡുമായി ഇറങ്ങിയിരിക്കുന്നതെന്ന് പി. ജയരാജൻ ആരോപിച്ചു.
എൻഫോഴ്സ്മെന്റ് ഡയറക്ടറേറ്റ് എന്ന കേന്ദ്ര ഏജൻസി ഇപ്പോൾ സ്വതന്ത്രമായല്ല, മറിച്ച് സംഘപരിവാറിന്റെ വെറുമൊരു എക്സ്ട്രാ ഡിപ്പാർട്ട്മെന്റായാണ് പ്രവർത്തിക്കുന്നതെന്ന് പി. ജയരാജൻ കുറ്റപ്പെടുത്തി. ഇന്ത്യയിലുടനീളം കോൺഗ്രസുകാർ പോലും ഈ ഇഡി വേട്ടയാടലിന്റെ ഇരകളാണ്. രാജ്യത്ത് സംഘപരിവാറിനെ ശക്തമായി എതിർക്കുന്ന പ്രതിപക്ഷ നേതാക്കളെ കള്ളക്കേസിൽ കുടുക്കി ജയിലിലടയ്ക്കാനുള്ള ഹീനമായ പ്രവർത്തനങ്ങളാണ് കേന്ദ്ര സർക്കാർ നടത്തുന്നത്. അതിന്റെ മറ്റൊരു അധ്യായം മാത്രമാണ് ഇപ്പോൾ കേരളത്തിൽ നടക്കുന്ന ഈ ഇഡി ഓപ്പറേഷൻ, അദ്ദേഹം കൂട്ടിച്ചേർത്തു.
Story Summary
Senior CPIM leader P Jayarajan lashed out at the ED raids at Opposition Leader Pinarayi Vijayan’s residences, calling it a joint operation by the BJP and Congress following a meeting between the PM and the CM. Speaking in Kannur, Jayarajan labeled the ED as an “extra department of the Sangh Parivar” and stated that the party would resist this political vendetta both legally and politically.
