ആലപ്പുഴ: ഓൺലൈൻ ഭക്ഷണ വിതരണക്കാരായ സ്വിഗി, സൊമാറ്റോ ജീവനക്കാർ ലഹരി വിൽപനയിൽ ഏർപ്പെടുന്നുണ്ടെന്ന പരാതിയിൽ കർശന നടപടിയുമായി ആഭ്യന്തര മന്ത്രി രമേശ് ചെന്നിത്തല (Operation Toofan Drug trafficking). ഇത്തരം പ്രവർത്തനങ്ങളിൽ ഏർപ്പെടുന്നവർ ഉടൻ തന്നെ ആ പരിപാടി നിർത്തണമെന്നും, അല്ലാത്തപക്ഷം കടുത്ത നിയമനടപടികൾ നേരിടേണ്ടി വരുമെന്നും അദ്ദേഹം മുന്നറിയിപ്പ് നൽകി. ലഹരി വിൽപനയ്ക്കായി ആംബുലൻസുകൾ ഉപയോഗിക്കുന്നുണ്ടെന്ന പരാതിയെ തുടർന്ന് അവയും പരിശോധിക്കുമെന്ന് അദ്ദേഹം വ്യക്തമാക്കി. ‘ഓപ്പറേഷൻ തൂഫാൻ’ എന്ന ലഹരിവിരുദ്ധ ദൗത്യത്തിന്റെ ഭാഗമായി ജനങ്ങളും പോലീസുമായി സഹകരിച്ച് ‘തൂഫാൻ വാരിയേഴ്സ്’ ആയി മാറണമെന്ന് മന്ത്രി അഭ്യർത്ഥിച്ചു.
ആലപ്പുഴ ജില്ലയുടെ സമഗ്ര വികസനത്തിന് ബജറ്റിൽ ഊന്നൽ നൽകിയിട്ടുണ്ടെന്നും, കയർ മേഖലയിലെ പ്രതിസന്ധികൾ മറികടക്കാൻ പ്രായോഗികമായ പരിഷ്കാരങ്ങൾ കൊണ്ടുവരുമെന്നും മന്ത്രി അറിയിച്ചു. നിലവിൽ സാമ്പത്തിക പ്രതിസന്ധി നേരിടുന്നതിനാൽ കയർ മേഖലയിൽ പുതിയ നിയമനങ്ങളും പരസ്യങ്ങളും ഒഴിവാക്കാൻ നിർദ്ദേശം നൽകിയിട്ടുണ്ട്. ഹരിപ്പാട് മെഡിക്കൽ കോളേജ് സ്ഥാപിക്കുന്നതിനെതിരെയുള്ള എതിർപ്പുകളെ അദ്ദേഹം തള്ളി. വണ്ടാനം മെഡിക്കൽ കോളേജിലെ തിരക്ക് നിയന്ത്രിക്കാൻ പുതിയ മെഡിക്കൽ കോളേജ് അത്യാവശ്യമാണെന്നും അടുത്ത വർഷത്തോടെ കുട്ടികളെ പ്രവേശിപ്പിക്കാവുന്ന രീതിയിൽ നിർമാണം ആരംഭിക്കുമെന്നും അദ്ദേഹം വ്യക്തമാക്കി. ജി. സുധാകരന്റെ പരാതികൾ പരിഗണിക്കുമെന്നും മന്ത്രി പറഞ്ഞു.
കെ.കെ. മഹേശന്റെ ആത്മഹത്യയുമായി ബന്ധപ്പെട്ട് നിലവിൽ ഔദ്യോഗിക നടപടികളൊന്നും സ്വീകരിച്ചിട്ടില്ലെന്നും ലഭിച്ച പരാതികൾ പരിശോധിച്ചുവരികയാണെന്നും മന്ത്രി പറഞ്ഞു. പൊതുപരിപാടിക്കിടയിൽ തന്റെ ഷർട്ട് കീറിയതിനെക്കുറിച്ചുള്ള ചോദ്യത്തോട്, അത് ശ്രദ്ധയിൽപ്പെട്ടിരുന്നില്ലെന്നും അത്തരം കാര്യങ്ങൾ വാർത്തയാകുന്നതിലെ അത്ഭുതം പ്രകടിപ്പിച്ചുകൊണ്ടും അദ്ദേഹം മറുപടി നൽകി.
Summary: Home Minister Ramesh Chennithala has issued a stern warning to delivery personnel from platforms like Swiggy and Zomato, as well as ambulance services, regarding their alleged involvement in drug trafficking. Under the “Operation Toofan” anti-drug initiative, the Minister emphasized that strict legal action will be taken against offenders.
