പത്തനംതിട്ട: ശ്രീനാദേവി കുഞ്ഞമ്മ റേഷൻ കാർഡിൽ പേര് ചേർത്തത് ചട്ടവിരുദ്ധമായല്ലെന്ന് വ്യക്തമാക്കുന്ന വിവരാവകാശ രേഖ പുറത്ത്. വ്യാജരേഖകൾ ചമച്ചാണ് പേര് ചേർത്തതെന്ന ആരോപണങ്ങൾ നിലനിൽക്കെയാണ്, കൃത്യമായ നടപടിക്രമങ്ങൾ പാലിച്ചാണ് അപേക്ഷ സമർപ്പിച്ചതെന്ന് വിവരാവകാശ രേഖ വ്യക്തമാക്കുന്നത്.( Name added to ration card not forged, Right to Information in favour of Sreena Devi Kunjamma )
റേഷൻ കാർഡ് ഉടമയുടെ കൃത്യമായ സമ്മതപത്രത്തോടു കൂടിയാണ് ശ്രീനാദേവി അപേക്ഷ നൽകിയത്. കാർഡ് ഉടമയുമായുള്ള ബന്ധം തെളിയിക്കുന്ന റിലേഷൻ സർട്ടിഫിക്കറ്റ്, ആധാർ കാർഡ് പകർപ്പ് എന്നിവ അപേക്ഷയോടൊപ്പം സമർപ്പിച്ചിരുന്നു. എല്ലാ രേഖകളും പരിശോധിച്ച ശേഷമാണ് ഉദ്യോഗസ്ഥർ പേര് ചേർത്തതെന്ന് രേഖകൾ സാക്ഷ്യപ്പെടുത്തുന്നു.
ശ്രീനാദേവിയുടെ പേര് കാർഡിൽ ചേർത്തത് നിയമവിരുദ്ധമാണെന്ന് ആരോപിച്ച് കാർഡ് ഉടമയുടെ മക്കൾ പരാതി നൽകിയിരുന്നു. ഈ പരാതിയെത്തുടർന്ന് ഉദ്യോഗസ്ഥർ കാർഡിൽ നിന്ന് ഇവരുടെ പേര് നീക്കം ചെയ്തിരുന്നു.
