കൊച്ചി: ഏറെ കോലാഹലങ്ങൾ സൃഷ്ടിച്ച ലൈഫ് മിഷൻ അഴിമതി കേസിൽ സി.ബി.ഐ കുറ്റപത്രം സമർപ്പിച്ചു. സ്വപ്ന സുരേഷ് ഉൾപ്പെടെ ആറ് പേരെ പ്രതി ചേർത്താണ് കൊച്ചിയിലെ പ്രത്യേക സി.ബി.ഐ കോടതിയിൽ ആദ്യ ഘട്ട കുറ്റപത്രം നൽകിയത്.(Life Mission Case, CBI Files Chargesheet Naming Six Accused Including Swapna Suresh)
സന്തോഷ് ഈപ്പനാണ് കേസിൽ ഒന്നാം പ്രതി. എങ്കിലും, സമർപ്പിച്ച ആദ്യ കുറ്റപത്രത്തിൽ എം. ശിവശങ്കറിന്റെ പേര് ഉൾപ്പെടുത്തിയിട്ടില്ല. എം. ശിവശങ്കർ, ലൈഫ് മിഷൻ മുൻ സി.ഇ.ഒ യു. വി. ജോസ് എന്നിവർക്കെതിരെയുള്ള അന്വേഷണം തുടരുകയാണെന്ന് സി.ബി.ഐ കോടതിയെ അറിയിച്ചു.
പ്രളയബാധിതർക്ക് വടക്കാഞ്ചേരിയിൽ സൗജന്യമായി ഫ്ലാറ്റുകൾ നിർമ്മിച്ച് നൽകുന്നതിനായി യു.എ.ഇ അധിഷ്ഠിത ജീവകാരുണ്യ സംഘടനയിൽ നിന്ന് 21 കോടി രൂപയുടെ ധനസഹായം ലഭിച്ചിരുന്നു. ഇതിൽ വൻ തുക അഴിമതിയായി നടന്നു എന്നും, പ്രതികൾ 4 കോടി രൂപയോളം കമ്മീഷൻ ഇനത്തിൽ തട്ടിയെടുത്തു എന്നുമാണ് സി.ബി.ഐ കണ്ടെത്തൽ.
Story Summary
The CBI filed its first chargesheet in the Life Mission corruption case, naming six accused, including Swapna Suresh and Santosh Eappan as the primary accused. Former Principal Secretary M. Sivasankar and former Life Mission CEO U. V. Jose were omitted from the first chargesheet, with the CBI stating that further investigation against them is ongoing.
