കാലിക്കട്ട് സർവകലാശാല തെരഞ്ഞെടുപ്പിൽ കെഎസ്‌യു-എംഎസ്എഫ് സഖ്യത്തിനു ജയം
Jun 11, 2024, 07:28 IST
തേഞ്ഞിപ്പലം: കാലിക്കട്ട് സർവകലാശാല വിദ്യാർഥി യൂണിയൻ തെരഞ്ഞെടുപ്പിൽ കെഎസ്‌യു-എംഎസ്എഫ് സഖ്യത്തിനു ചരിത്ര വിജയം. പത്തു വർഷത്തിനു ശേഷമാണ് സർവകലാശാല യൂണിയൻ യുഡിഎസ്എഫ് മുന്നണി പിടിക്കുന്നത്. സർവകലാശാല യൂണിയനിലെ മുഴുവൻ ജനറൽ സീറ്റുകളിലും കെഎസ്‌യു-എംഎസ്എഫ് മുന്നണി സ്ഥാനാർഥികൾ വിജയിച്ചു. ചെയർപേഴ്സനായി നിതിൻ ഫാത്തിമയും ജനറൽ സെക്രട്ടറിയായി മുഹമ്മദ്‌ സഫ്‍വാനെയും തെരഞ്ഞെടുത്തു. പി.കെ. അർഷാദാണ് വൈസ് ചെയർമാൻ. കെ.ടി. ഷബ്‌നയെ വൈസ് ചെയർപേഴ്സണായും കെ.പി. അശ്വിനെ ജോയിന്‍റ് സെക്രട്ടറിയായും തെരഞ്ഞെടുത്തു.