തിരുവനന്തപുരം: വൈദ്യുതി മോഷണം തടയാൻ കർശന നടപടികളുമായി കെഎസ്ഇബി. വൈദ്യുതി മോഷ്ടിക്കുന്നത് പിടിക്കപ്പെട്ടാൽ ഇലക്ട്രിസിറ്റി ആക്ട് 2003 പ്രകാരം വൈദ്യുതി ബന്ധം വിച്ഛേദിക്കുന്നതിനൊപ്പം ജാമ്യമില്ലാ വകുപ്പുകൾ ചുമത്തി കേസെടുക്കുമെന്നും കെഎസ്ഇബി അറിയിച്ചു. കുറ്റക്കാർക്ക് മൂന്ന് വർഷം വരെ തടവുശിക്ഷ ലഭിക്കാവുന്നതാണ്.(KSEB Electricity Theft Penalties And Rewards For Informants)
എന്നാൽ, മോഷണം നടത്തുന്നവർ സ്വമേധയാ വിവരം അറിയിച്ച് പിഴയൊടുക്കിയാൽ ശിക്ഷാനടപടികളിൽ നിന്ന് ഒഴിവാക്കും. ഇത്തരം തിരുത്തലുകൾക്ക് ഒരാൾക്ക് ഒരു അവസരം മാത്രമേ നൽകുകയുള്ളൂ. വൈദ്യുതി മോഷണം കണ്ടുപിടിക്കാൻ സഹായിക്കുന്നവർക്ക് കെഎസ്ഇബി വൻ പാരിതോഷികവും പ്രഖ്യാപിച്ചിട്ടുണ്ട്.
ഈടാക്കുന്ന പിഴത്തുകയുടെ അഞ്ച് ശതമാനം (പരമാവധി 50,000 രൂപ വരെ) വിവരങ്ങൾ നൽകുന്നയാൾക്ക് പ്രതിഫലമായി ലഭിക്കും. വിവരം നൽകുന്നവരുടെ പേരും മറ്റ് വിശദാംശങ്ങളും രഹസ്യമായി സൂക്ഷിക്കും. മോഷണം സംബന്ധിച്ച വിവരങ്ങൾ സെക്ഷൻ ഓഫീസുകളിലോ ആന്റി പവർ തെഫ്റ്റ് സ്ക്വാഡിന്റെ സംസ്ഥാന-ജില്ലാ ഓഫീസുകളിലോ അറിയിക്കാം. 9496010101 എന്ന എമർജൻസി നമ്പറിൽ വിളിച്ചോ വാട്സാപ്പ് വഴിയോ പരാതി നൽകാവുന്നതാണ്.
Story Summary
KSEB has warned of non-bailable criminal charges and up to three years of imprisonment for electricity theft under the Electricity Act 2003. Informants who help identify power theft will be rewarded with up to ₹50,000, while their identities remain strictly confidential.
