തിരുവനന്തപുരം: മുൻ മുഖ്യമന്ത്രിയും പ്രതിപക്ഷ നേതാവുമായ പിണറായി വിജയന്റെ വീടിന് മുന്നിൽ വെച്ച് ഇ.ഡി ഉദ്യോഗസ്ഥരെ ആക്രമിച്ച സംഭവത്തിൽ സി.ബി.ഐ അന്വേഷണം ആവശ്യമില്ലെന്ന് ഹൈക്കോടതിയിൽ വ്യക്തമാക്കി കേരള പൊലീസ്. നിലവിലെ അന്വേഷണം ശരിയായ ദിശയിലാണ് പുരോഗമിക്കുന്നതെന്നും പൊലീസ് കോടതിയെ അറിയിച്ചു.(Kerala Police Opposes CBI Probe Into Attack On ED Officials Near Pinarayi Vijayan Residence)
ഇ.ഡി ഉദ്യോഗസ്ഥരുടെ പരിശോധനയെക്കുറിച്ച് മുൻകൂറായി യാതൊരു അറിയിപ്പും ലഭിച്ചിരുന്നില്ല. സംഭവസ്ഥലത്ത് സുരക്ഷ ഒരുക്കുന്നതിൽ യാതൊരു വീഴ്ചയും സംഭവിച്ചിട്ടില്ല, ഇന്റലിജൻസ് വിഭാഗത്തിന് വീഴ്ച പറ്റിയിട്ടില്ല. ഉണ്ടായ ആക്രമണം വളരെ കുറഞ്ഞ സമയം കൊണ്ട് തന്നെ നിയന്ത്രണവിധേയമാക്കാൻ പൊലീസിന് സാധിച്ചുവെന്നും പോലീസ് പറയുന്നു.
കേസിൽ ഇതുവരെ 25 പേരെ അറസ്റ്റ് ചെയ്തിട്ടുണ്ട്. അന്വേഷണം വേഗത്തിൽ പൂർത്തിയാക്കി അന്തിമ റിപ്പോർട്ട് കോടതിയിൽ സമർപ്പിക്കും. ഇ.ഡി ഉദ്യോഗസ്ഥർ ആക്രമിക്കപ്പെട്ട സംഭവത്തിൽ സി.ബി.ഐ അന്വേഷണം ആവശ്യപ്പെട്ട് സമർപ്പിക്കപ്പെട്ട ഹർജിയിലാണ് പൊലീസ് തങ്ങളുടെ നിലപാട് വ്യക്തമാക്കിയത്. അതേസമയം, കേസിലെ പ്രതികളായ പത്തുപേരുടെ ജാമ്യഹർജി പരിഗണിക്കുന്ന പ്രിൻസിപ്പൽ സെഷൻസ് കോടതിയിൽ പൊലീസിന്റെ സ്പെഷ്യൽ പബ്ലിക് പ്രോസിക്യൂട്ടർ പുതിയ ഹർജി നൽകി.
Story Summary
The Kerala Police has urged the High Court to reject the demand for a CBI investigation into the attack on ED officials near the residence of Opposition Leader Pinarayi Vijayan, asserting that the current investigation is proceeding correctly. The police maintained that there was no security or intelligence lapse and that they are finalizing the case report after arresting 25 individuals involved in the incident.
