തിരുവനന്തപുരം: കേരളത്തിലെ രണ്ടാംവർഷ ഹയർസെക്കൻഡറി, വൊക്കേഷണൽ ഹയർസെക്കൻഡറി പരീക്ഷകളുടെ ഫലം വിദ്യാഭ്യാസമന്ത്രി എൻ. ഷംസുദ്ദീൻ പ്രഖ്യാപിച്ചു. 77.97 ആണ് വിജയശതമാനം. ഉച്ചയ്ക്ക് ശേഷം 3 മണിയോടെയാണ് ഔദ്യോഗിക ഫലപ്രഖ്യാപനം ഉണ്ടായത്.(Kerala Plus Two Result 2026 Declared How To Check On Digilocker Website)
പരീക്ഷയെഴുതിയ വിദ്യാർത്ഥികൾക്ക് ഔദ്യോഗിക ഫലപ്രഖ്യാപന വെബ്സൈറ്റുകൾ വഴിയും ഡിജിലോക്കർ ആപ്പ് വഴിയും തങ്ങളുടെ പ്രൊവിഷണൽ മാർക്ക്ഷീറ്റുകൾ പരിശോധിക്കാനും ഡൗൺലോഡ് ചെയ്യാനും സാധിക്കും. ഈ വർഷം ഹയർസെക്കൻഡറി വിഭാഗത്തിൽ 4.52 ലക്ഷം വിദ്യാർഥികളും വൊക്കേഷണൽ ഹയർസെക്കൻഡറി വിഭാഗത്തിൽ 26,826 വിദ്യാർഥികളുമാണ് പരീക്ഷയെഴുതിയത്. മാർച്ച് ആറ് മുതൽ 26 വരെയാണ് ഹയർസെക്കൻഡറി പരീക്ഷ നടന്നത്. ജൂൺ 29 മുതൽ ജുലൈ മൂന്ന് വരെ സേ പരീക്ഷ നടത്തും. 290398 പേർ പരീക്ഷയിൽ യോഗ്യത നേടി.
മുൻ വർഷത്തേതിൽ നിന്ന് നേരിയ വർധന രേഖപ്പെടുത്തിയിട്ടുണ്ട്. 0.16 ശതമാനമാണ് കൂടുതൽ. ഹയർസെക്കൻഡറി വിഭാഗത്തിൽ 1990 സ്കൂളുകളിൽ 372423 പേർ പരീക്ഷ എഴുതി. ഇതിൽ 290398 പേർ ഉപരിപഠനത്തിന് യോഗ്യത നേടി. 68.41ശതമാനം ആൺകുട്ടികൾ ആണ് പരീക്ഷ എഴുതിയത്. 86.89 ശതമാനം പെൺകുട്ടികളും പരീക്ഷ എഴുതി. വിജയശതമാനം ഏറ്റവും കൂടുതൽ ഇടുക്കിയും കുറവ് കാസര്ഗോഡുമാണ്. നൂറ് ശതമാനം വിജയം കരസ്ഥമാക്കിയത് 76 സ്കൂളുകളിലാണ്. ഇതില് ഒന്പത് എണ്ണം സര്ക്കാര് സ്കൂള് ആണ്. 30 അണ് എയ്ഡഡ് സ്കൂളും ഉള്പ്പെടുന്നു.
ഫലം പരിശോധിക്കാനുള്ള ഔദ്യോഗിക പോർട്ടലുകൾ:
കേരള റിസൾട്ട്സ് പോർട്ടൽ (keralaresults.nic.in)
ഡി.എച്ച്.എസ്.ഇ കേരള ഔദ്യോഗിക വെബ്സൈറ്റ് (dhsekerala.gov.in)
ഡിജിലോക്കർ (DigiLocker)
മൊബൈൽ ആപ്പ്: PRD Live, SAPHALAM 2025, iExaMS – Kerala
പ്ലസ് ടു ഫലം ഡിജിലോക്കർ വഴി എങ്ങനെ പരിശോധിക്കാം?
വിദ്യാർത്ഥികൾക്ക് അവരുടെ ഡിജിറ്റൽ മാർക്ക്ഷീറ്റുകൾ താഴെ പറയുന്ന ഘട്ടങ്ങളിലൂടെ ഡിജിലോക്കർ വഴി ആക്സസ് ചെയ്യാം:
ഡിജിലോക്കർ ആപ്പ് ഓപ്പൺ ചെയ്യുക അല്ലെങ്കിൽ ഔദ്യോഗിക വെബ്സൈറ്റ് സന്ദർശിക്കുക.
ലിങ്ക്ഡ് മൊബൈൽ നമ്പറോ നിലവിലുള്ള ഡിജിലോക്കർ ക്രെഡൻഷ്യലുകളോ ഉപയോഗിച്ച് ലോഗിൻ ചെയ്യുക.
ഹോം പേജിലെ “Education Documents” എന്ന സെക്ഷൻ തിരഞ്ഞെടുക്കുക.
അതിൽ “Directorate of Higher Secondary Education (DHSE)” അല്ലെങ്കിൽ ‘Kerala Class 12 results’ എന്ന് സെർച്ച് ചെയ്യുക.
“DHSE Plus Two Results 2026” അല്ലെങ്കിൽ “Class 12 Marksheet” ലിങ്കിൽ ക്ലിക്ക് ചെയ്യുക.
നിങ്ങളുടെ രജിസ്റ്റർ നമ്പറും ജനനത്തീയതിയും നിശ്ചിത കോളങ്ങളിൽ കൃത്യമായി രേഖപ്പെടുത്തുക.
സബ്മിറ്റ് (Submit) ബട്ടൺ ക്ലിക്ക് ചെയ്യുന്നതോടെ നിങ്ങളുടെ ഫലം സ്ക്രീനിൽ കാണാം.
ഭാവി ആവശ്യങ്ങൾക്കായി ഈ ഡിജിറ്റൽ മാർക്ക്ഷീറ്റ് സുരക്ഷിതമായി സൂക്ഷിക്കാൻ “Save to Locker” എന്ന ഓപ്ഷൻ ഉപയോഗിക്കാവുന്നതാണ്.
Story Summary
The Directorate of Higher Secondary Education (DHSE) has announced the Kerala Plus Two (Class 12) results today, May 26, at 3 PM. Around 4.52 lakh students who appeared for the exam across 1,984 centers can now check and download their provisional marksheets via official websites and DigiLocker using their registration details.
