തിരുവനന്തപുരം : ദിവസങ്ങൾ നീണ്ട ആകാംക്ഷകൾക്കും അനിശ്ചിതത്വങ്ങൾക്കും വിരാമം കുറിച്ചുകൊണ്ട് കേരളത്തിന്റെ പുതിയ മുഖ്യമന്ത്രിയെ ഇന്ന് പ്രഖ്യാപിച്ചേക്കും. ഹൈക്കമാൻഡ് നേതൃത്വവുമായി നടത്തുന്ന നിർണായക ചർച്ചകൾക്ക് ശേഷം ഇന്ന് വൈകിട്ട് 5.30-ഓടെ രാഹുൽ ഗാന്ധി അന്തിമ പ്രഖ്യാപനം നടത്തിയേക്കുമെന്നാണ് സൂചന. കെ.സി. വേണുഗോപാൽ, വി.ഡി. സതീശൻ, രമേശ് ചെന്നിത്തല എന്നിവരുടെ പേരുകൾ പരിഗണനയിലുണ്ടെങ്കിലും, അവസാന നിമിഷം ആർക്ക് നറുക്ക് വീഴുമെന്നത് രാഷ്ട്രീയ കേരളം ഏറെ ആകാംക്ഷയോടെയാണ് ഉറ്റുനോക്കുന്നത്.(Kerala Next Chief Minister Announcement likely Today)
തെരഞ്ഞെടുപ്പ് ഫലം പുറത്തുവന്നിട്ട് പത്ത് ദിവസങ്ങൾ പിന്നിട്ടിട്ടും ഭരണകൂടം നിലവിൽ വരാത്തത് കേരളത്തിൽ കടുത്ത ഭരണസ്തംഭനത്തിന് വഴിവെച്ചിട്ടുണ്ട്. ഒപ്പമുള്ള സംസ്ഥാനങ്ങളിൽ സർക്കാർ അധികാരമേറ്റെടുത്ത് പ്രവർത്തനം തുടങ്ങിയിട്ടും, കേരളത്തിൽ മാത്രം തീരുമാനം നീളുന്നത് കോൺഗ്രസിന് തലവേദനയായി മാറിയിരിക്കുകയാണ്. ജനങ്ങളുടെ ചോദ്യശരങ്ങളും സഖ്യകക്ഷികളുടെ അതൃപ്തിയും ശക്തമായി.
കേരളത്തിലെ പുതിയ മുഖ്യമന്ത്രിയെ സംബന്ധിച്ച അനിശ്ചിതത്വം തുടരുന്നതിനിടെ, പാർട്ടി സംസ്ഥാന ചുമതലയുള്ള നേതാവ് ദീപാദാസ് മുൻഷി ഇന്ന് തിരുവനന്തപുരത്തെത്തും. ഡൽഹിയിൽ നിന്ന് ഉച്ചയ്ക്ക് ശേഷം തിരിക്കുന്ന അവർ, ഹൈക്കമാൻഡ് നിർദ്ദേശങ്ങൾ സംസ്ഥാന നേതൃത്വവുമായി ചർച്ച ചെയ്തേക്കും
Story Summary
The Congress high command is expected to announce Kerala’s next Chief Minister today following prolonged discussions between Rahul Gandhi and Mallikarjun Kharge. The delay in finalizing the leader has caused administrative paralysis and mounting frustration among the public and alliance partners.
