തിരുവനന്തപുരം: നഗരങ്ങളിൽ സാധാരണക്കാർക്ക് കുറഞ്ഞ നിരക്കിൽ യാത്രയൊരുക്കുന്ന ഓൺലൈൻ ബൈക്ക് ടാക്സികൾക്ക് കർശന നിബന്ധനകളുമായി മോട്ടോർ വാഹന വകുപ്പ്. വൈറ്റ് ബോർഡ് വാഹനങ്ങൾ ടാക്സി ആവശ്യങ്ങൾക്കായി ഉപയോഗിക്കുന്നത് നിയമവിരുദ്ധമാണെന്ന് എംവിഡി വ്യക്തമാക്കി. ഇത്തരം സർവീസുകൾ നടത്തുന്ന ബൈക്കുകൾ ഉടനടി കൊമേഴ്സ്യൽ വിഭാഗത്തിലേക്ക് മാറ്റണമെന്ന് കമ്പനികൾക്ക് നിർദ്ദേശം നൽകി.(Kerala MVD Crackdown On Private Bikes Used For Taxi Services Rapido Uber)
സ്വകാര്യ ആവശ്യങ്ങൾക്കുള്ള ബൈക്കുകളിൽ യാത്രക്കാരെ കയറ്റുന്നത് അനുവദിക്കില്ല. ഈ പ്ലാറ്റ്ഫോമുകളിൽ പ്രവർത്തിക്കുന്നവർ ബൈക്കുകൾ ടാക്സി കാറ്റഗറിയിലേക്ക് മാറ്റണം. മാറ്റുന്നതിനായി ഇനി അധിക സമയം അനുവദിക്കില്ല. നിലവിൽ നിയമം ലംഘിച്ച് സർവീസ് നടത്തുന്ന വാഹനങ്ങൾക്ക് നേരെ നടപടികളിലേക്ക് നീങ്ങും.
ടാക്സി വിഭാഗത്തിലേക്ക് മാറാൻ അപേക്ഷിച്ചാൽ രണ്ട് ദിവസത്തിനുള്ളിൽ പരിശോധന പൂർത്തിയാക്കി ഫിറ്റ്നസ് സർട്ടിഫിക്കറ്റ് നൽകുമെന്ന് എംവിഡി ഉറപ്പുനൽകി. ബൈക്ക് ടാക്സികൾ കുറഞ്ഞ നിരക്കിൽ സർവീസ് നടത്തുന്നത് തങ്ങളുടെ ഉപജീവനത്തെ ബാധിക്കുന്നുവെന്ന പരാതിയുമായി ഓട്ടോ-ടാക്സി തൊഴിലാളി യൂണിയനുകൾ രംഗത്തെത്തിയിരുന്നു.
Story Summary
The Kerala Motor Vehicles Department (MVD) has directed online platforms like Rapido and Uber to convert private bikes into taxi categories for bike taxi services. This move follows protests from auto-taxi unions against the illegal use of private vehicles for commercial purposes.
