കൊച്ചി: നിസാൻ മോട്ടോർ ഇന്ത്യ ജൂലൈ 2026-ൽ മികച്ച വിൽപ്പന വളർച്ച കൈവരിച്ചു (Nissan Motor India July 2026 sales). ആഭ്യന്തര മൊത്തവിൽപ്പനയിൽ കഴിഞ്ഞ വർഷം ജൂലൈ മാസത്തെ അപേക്ഷിച്ച് 218 ശതമാനത്തിന്റെയും തൊട്ടുമുൻപത്തെ മാസത്തെ (ജൂൺ) അപേക്ഷിച്ച് 50 ശതമാനത്തിന്റെയും വൻ വളർച്ചയാണ് കമ്പനി നേടിയത്. ഇതിനോടൊപ്പം ഉപഭോക്താക്കൾ ഏറെ പ്രതീക്ഷയോടെ കാത്തിരുന്ന പുതിയ നിസാൻ ടെക്ടൺ എസ്യുവിയുടെ (Nissan Tecton SUV) ഉപഭോക്തൃ ഡെലിവറികൾ രാജ്യവ്യാപകമായി ആരംഭിച്ചതായും കമ്പനി അറിയിച്ചു.
കഴിഞ്ഞ ജൂലൈയിൽ കമ്പനി 4,518 യൂണിറ്റുകളുടെ ആഭ്യന്തര മൊത്തവിൽപ്പന നടത്തി. കയറ്റുമതിയിൽ 4,821 യൂണിറ്റുകൾ രേഖപ്പെടുത്തിയതോടെ ജൂലൈ മാസത്തെ ആകെ മൊത്തവിൽപ്പന 9,339 യൂണിറ്റിലെത്തി. പുതിയ ടെക്ടൺ എസ്യുവി കൂടി നിരത്തിലിറങ്ങിയതോടെ ജനപ്രിയ മോഡലുകളായ മാഗ്നൈറ്റ്, ഗ്രാവൈറ്റ്, ടെക്ടൺ എന്നീ മൂന്ന് ശക്തമായ എസ്യുവുകളിലൂടെ ഇന്ത്യൻ ഓട്ടോമൊബൈൽ വിപണിയിലെ തങ്ങളുടെ വിപണി വിഹിതം വർദ്ധിപ്പിക്കാനാണ് നിസാൻ ലക്ഷ്യമിടുന്നത്.
ഇന്ത്യൻ ഉപഭോക്താക്കൾ കമ്പനിയിൽ അർപ്പിച്ച വിശ്വാസമാണ് ഇത്തരം വലിയ വളർച്ചയ്ക്ക് അടിത്തറ പാകിയതെന്ന് നിസാൻ മോട്ടോർ ഇന്ത്യ മാനേജിങ് ഡയറക്ടർ സൗരഭ് വത്സ പറഞ്ഞു. ഷോറൂം, സർവീസ് ശൃംഖലകൾ വ്യാപിപ്പിക്കുന്നതിനും ഉപഭോക്തൃ സേവനം കൂടുതൽ മെച്ചപ്പെടുത്തി ദീർഘകാല വളർച്ച ഉറപ്പാക്കുന്നതിനും കമ്പനി മുൻഗണന നൽകുമെന്നും അദ്ദേഹം വ്യക്തമാക്കി.
Story Summary:
Nissan Motor India recorded a significant 218% YoY domestic wholesale growth in July 2026 with 4,518 units sold. With total sales reaching 9,339 units including exports, the company also officially commenced nationwide deliveries for its new Nissan Tecton SUV.
