ന്യൂഡൽഹി: കേരളത്തിന്റെ അടുത്ത മുഖ്യമന്ത്രിയെ തീരുമാനിക്കാനുള്ള ചർച്ചകൾ സോണിയ ഗാന്ധിയുടെ വസതിയായ 10 ജൻപഥിൽ പുരോഗമിക്കുന്നു. കെ. സുധാകരൻ, കെ. മുരളീധരൻ, എം.എം. ഹസൻ തുടങ്ങി കേരളത്തിൽ നിന്നുള്ള എട്ടോളം മുതിർന്ന നേതാക്കളുമായാണ് രാഹുൽ ഗാന്ധി സംസാരിക്കുന്നത്. ഓരോ നേതാക്കളെയും പ്രത്യേകം കണ്ടാണ് അദ്ദേഹം അഭിപ്രായം തേടുന്നത്.(Kerala CM Discussions At 10 Janpath Rahul Gandhi Meets State Leaders)
സംസ്ഥാനത്ത് നടന്ന ശക്തി പ്രകടനങ്ങളെയും പ്രതിഷേധങ്ങളെയും കുറിച്ചാണ് രാഹുൽ ഗാന്ധി പ്രധാനമായും ചോദിച്ചറിഞ്ഞത്. മുഖ്യമന്ത്രി സ്ഥാനത്തെ ചൊല്ലി തെരുവിലുണ്ടായ പ്രതിഷേധങ്ങൾ ആസൂത്രിതമാണോ എന്നും ആരാണ് ഇതിന് പിന്നിലെന്നും അദ്ദേഹം ചോദിച്ചു. പാർട്ടി ആവശ്യപ്പെട്ടാൽ ഇത്തരം പ്രതിഷേധങ്ങൾ അവസാനിക്കുമോ എന്ന ചോദ്യവും ചർച്ചയിൽ ഉയർന്നു.
മുഖ്യമന്ത്രിയെ നിശ്ചയിക്കുമ്പോൾ എംഎൽഎമാരുടെ പിന്തുണയ്ക്കൊപ്പം ജനവികാരം കൂടി കണക്കിലെടുക്കണമെന്ന് ചില നേതാക്കൾ ആവശ്യപ്പെട്ടു. തിരഞ്ഞെടുപ്പിലെ വമ്പൻ വിജയത്തിന് ശേഷം ദിവസങ്ങൾ പിന്നിട്ടിട്ടും മുഖ്യമന്ത്രിയെ പ്രഖ്യാപിക്കാൻ കഴിയാത്തത് പാർട്ടിയുടെ പ്രതിച്ഛായയ്ക്ക് മങ്ങലേൽപ്പിച്ചുവെന്ന് കെപിസിസി അധ്യക്ഷൻ സണ്ണി ജോസഫ് തുറന്നുപറഞ്ഞു. എങ്കിലും “വെളുത്ത പുക” ഉടൻ ഉയരുമെന്നും അദ്ദേഹം കൂട്ടിച്ചേർത്തു. നേതാക്കളുമായുള്ള കൂടിക്കാഴ്ചയ്ക്ക് ശേഷം ഇന്ന് വൈകുന്നേരം രാഹുൽ ഗാന്ധി കോൺഗ്രസ് അധ്യക്ഷൻ മല്ലികാർജുൻ ഖർഗെയുമായി ചർച്ച നടത്തും. തുടർന്ന് ഇരുവരും സോണിയ ഗാന്ധിയെ കണ്ടതിന് ശേഷമായിരിക്കും ഔദ്യോഗിക പ്രഖ്യാപനം.
Story Summary
Crucial discussions to decide the next Kerala CM are underway at Sonia Gandhi’s residence in Delhi. Rahul Gandhi is consulting senior leaders from Kerala. While KC Venugopal’s faction insists on MLA numbers, supporters of VD Satheesan and Ramesh Chennithala demand consideration of public sentiment.
