കൊച്ചി: ഗുരുവായൂർ ദേവസ്വത്തിലെ ഓഡിറ്റിംഗിൽ ഗുരുതരമായ പോരായ്മകളുണ്ടെന്ന് ഹൈക്കോടതി. ഓൺലൈൻ വഴിപാടുകൾ, ഡിജിറ്റൽ പണമിടപാടുകൾ എന്നിവയുടെ കണക്കുകളിൽ വ്യക്തത വരുത്തുന്ന കാര്യത്തിലാണ് ഹൈക്കോടതിയുടെ രൂക്ഷവിമർശനം.(Kerala High Court Slams Guruvayur Devaswom Over Severe Audit Lapses0
ഓഡിറ്റിംഗിന് ആവശ്യമായ പല വിവരങ്ങളും ദേവസ്വം അധികൃതർ കൈമാറിയിട്ടില്ലെന്ന് സംസ്ഥാന ഓഡിറ്റ് വിഭാഗം കോടതിയെ അറിയിച്ചതിനെ തുടർന്നാണ് നടപടി. കഴിഞ്ഞ 43 വർഷമായിട്ടും ക്ഷേത്രത്തിലെ വിലപിടിപ്പുള്ള വസ്തുക്കളുടെ വാർഷിക ഭൗതിക പരിശോധന നടന്നിട്ടില്ലെന്ന് ഓഡിറ്റ് റിപ്പോർട്ടിൽ വ്യക്തമാക്കുന്നു. 2011-12 സാമ്പത്തിക വർഷം മുതൽ 2019-20 വരെയുള്ള കാലയളവിൽ മാത്രം 54.59 കോടി രൂപയുടെ ഓഡിറ്റ് തടസ്സങ്ങളാണ് നിലവിലുള്ളത്.
ക്ഷേത്രത്തിലെ സാമ്പത്തിക ഇടപാടുകളിൽ കർശനമായ സുതാര്യത ഉറപ്പുവരുത്തണമെന്ന് നിർദ്ദേശിച്ച ഹൈക്കോടതി, നിലവിലെ ഓഡിറ്റിന്റെ കൃത്യമായ സ്ഥിതിവിവരങ്ങൾ അറിയിക്കുന്നതിനായി സംസ്ഥാന ഓഡിറ്റ് വകുപ്പിലെ സീനിയർ ഡെപ്യൂട്ടി ഡയറക്ടറോട് നാളെ നേരിട്ട് ഹാജരാകാനും ഉത്തരവിട്ടു.
Story Summary
The Kerala High Court sharply criticized Guruvayur Devaswom over severe audit lapses regarding online offerings and digital transactions. Highlighting that physical verification of precious assets hasn’t been conducted in 43 years alongside unresolved audit objections worth ₹54.59 crore, the court ordered the Senior Deputy Director to appear in person tomorrow.
