തിരുവനന്തപുരം: രാജ്യത്തെ സ്കൂൾ വിദ്യാഭ്യാസ നിലവാരം വിലയിരുത്തുന്നതിനായി കേന്ദ്ര വിദ്യാഭ്യാസ മന്ത്രാലയം പുറത്തിറക്കുന്ന പെർഫോമൻസ് ഗ്രേഡിങ് ഇൻഡക്സിൽ (PGI) കേരളത്തിന് അഭിമാനകരമായ നേട്ടം. കഴിഞ്ഞ വർഷത്തെ അപേക്ഷിച്ച് മികച്ച പ്രകടനമാണ് സംസ്ഥാനം കാഴ്ചവെച്ചിരിക്കുന്നത്. ഇക്കാര്യം വി. ശിവൻകുട്ടിയാണ് ഔദ്യോഗികമായി അറിയിച്ചത്.(Kerala Education, Kerala attains higher grade in latest Union Education Ministry PGI report)
റിപ്പോർട്ട് പ്രകാരം, കഴിഞ്ഞ വർഷം ‘പ്രചേസ്ത-3’ വിഭാഗത്തിലായിരുന്ന കേരളം, ഇത്തവണ കൂടുതൽ ഉന്നത ഗ്രേഡായ ‘പ്രചേസ്ത-2’ (2024-25) വിഭാഗത്തിലേക്ക് ഉയർന്നു. കേരളത്തിന്റെ പിജിഐ സ്കോറിൽ വലിയ വർദ്ധനവാണ് രേഖപ്പെടുത്തിയിരിക്കുന്നത്. കഴിഞ്ഞ വർഷം 594.2 ആയിരുന്ന സ്കോർ ഇത്തവണ 687.7 ആയി ഉയർന്നു.
വെറും ഒരു വർഷത്തിനുള്ളിൽ 93.5 പോയിന്റിന്റെ ശ്രദ്ധേയമായ വളർച്ചയാണ് കേരളം കൈവരിച്ചത്. ഇതോടെ പഞ്ചാബ്, ചണ്ഡീഗഡ് തുടങ്ങിയ മികച്ച പ്രകടനം കാഴ്ചവെക്കുന്ന സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും ഒപ്പം കേരളം മുൻനിരയിലെത്തി. പൊതുവിദ്യാഭ്യാസ മേഖലയിലെ അടിസ്ഥാന സൗകര്യ വികസനത്തിലും പഠന നിലവാരമുയർത്തുന്നതിലും സർക്കാർ നടത്തിയ ആസൂത്രിതമായ ഇടപെടലുകളുടെ ഫലമാണ് ഈ നേട്ടമെന്ന് വി. ശിവൻകുട്ടി അഭിപ്രായപ്പെട്ടു.
Story Summary
Kerala has achieved a significant milestone in the Union Ministry of Education’s Performance Grading Index (PGI), advancing from ‘Prachesta-3’ to the higher ‘Prachesta-2’ grade. The state recorded a notable increase of 93.5 points in its score, positioning itself among the top-performing states like Punjab and Chandigarh. Former Education Minister V. Sivankutty attributed this success to the government’s effective educational policies and investments in school infrastructure.
