കോട്ടയം: എൻഎസ്എസ് ഡയറക്ടർ ബോർഡ് അംഗത്വത്തിൽ നിന്ന് കെ.ബി. ഗണേഷ് കുമാറിനെ ഒഴിവാക്കി. ബോർഡിലെ ഒമ്പത് അംഗങ്ങളുടെ കാലാവധി അവസാനിച്ച സാഹചര്യത്തിൽ എട്ടുപേരുടെ അംഗത്വം പുതുക്കി നൽകിയെങ്കിലും, ഗണേഷ് കുമാറിനെ ഒഴിവാക്കുകയായിരുന്നു.(KB Ganesh Kumar Removed From NSS Director Board)
പകരം ബി.ആർ.കെ. ബാബുവിനെ പുതിയ ഡയറക്ടർ ബോർഡ് അംഗമായി ഉൾപ്പെടുത്തി. പത്തനാപുരം താലൂക്ക് യൂണിയനുമായി ഗണേഷ് കുമാറിനുള്ള അഭിപ്രായവ്യത്യാസങ്ങളാണ് അംഗത്വം പുതുക്കാതിരിക്കാൻ കാരണമായതെന്ന് സൂചനയുണ്ട്. കഴിഞ്ഞ തിരഞ്ഞെടുപ്പ് കാലത്തുതന്നെ താലൂക്ക് യൂണിയൻ നേതൃത്വവുമായി ഗണേഷ് കുമാർ നേരിട്ട് ഏറ്റുമുട്ടിയിരുന്നു.
നേരത്തെ ബോർഡിലുണ്ടായിരുന്ന ബാക്കി എട്ടുപേർക്കും എൻഎസ്എസ് നേതൃത്വം അംഗത്വം പുതുക്കി നൽകി. എൻഎസ്എസ് ഡയറക്ടർ ബോർഡിലെ സുപ്രധാന സ്ഥാനത്ത് നിന്ന് ഒഴിവാക്കപ്പെട്ടത് ഗണേഷ് കുമാറിന് തിരിച്ചടിയാണ്.
Story Summary
NSS Director Board member K.B. Ganesh Kumar has been removed from his position as the organization did not renew his membership. While eight other members retained their seats, Ganesh Kumar was replaced by B.R.K. Babu, reportedly due to his ongoing conflicts with the Pathanapuram Taluk Union leadership.
