കാറഡുക്ക സഹകരണ സൊസൈറ്റി തട്ടിപ്പ്; മൂന്നു പേർ അറസ്റ്റിൽ
![കാറഡുക്ക സഹകരണ സൊസൈറ്റി തട്ടിപ്പ്; മൂന്നു പേർ അറസ്റ്റിൽ](https://timeskerala.com/static/c1e/client/91214/uploaded/08c4f89e5503750f3f4784f62e227e27.webp)
കാസർഗോഡ്: കാറഡുക്ക അഗ്രിക്കൾചറിസ്റ്റ് വെൽഫെയർ കോ-ഓപ്പറേറ്റീവ് സൊസൈറ്റിയിലെ തട്ടിപ്പ് കേസിൽ മൂന്ന് പ്രതികൾ പിടിയിൽ. കാഞ്ഞങ്ങാട് നെല്ലിക്കാട് സ്വദേശി അനിൽ കുമാർ, പറക്ലായി സ്വദേശി ഗഫൂർ, ബേക്കർ മൗവൽ സ്വദേശി ബഷീർ എന്നിവരെയാണ് അറസ്റ്റ് ചെയ്തത്.
കേസിലെ മുഖ്യ പ്രതി രതീശന്റെ റിയലെസ്റ്റേറ്റ് പങ്കാളികളാണ് അറസ്റ്റിലായവർ. സൊസൈറ്റിയിൽ നിന്ന് രതീശൻ കടത്തിയ സ്വർണം ഇവരാണ് പണയംവച്ചത്. പ്രതികൾ രതീശനുമായി പണം കൈമാറിയ ബാങ്ക് രേഖകൾ പോലീസിന് ലഭിച്ചു. മൂന്ന് വർഷമായി 4.76 കോടി രൂപയുടെ തട്ടിപ്പാണ് സെക്രട്ടറി കെ. രതീശന് നടത്തിയത്. ഇയാൾ റിയല് എസ്റ്റേറ്റ് നിക്ഷേപം നടത്തിയതായി കണ്ടെത്തിയിരുന്നു. സൊസൈറ്റിയിലെ തട്ടിപ്പ് കേസിന്റെ അന്വേഷണം കാസർഗോട് ജില്ലാ ക്രൈംബ്രാഞ്ചിന് കൈമാറിയിരുന്നു. എട്ടംഗ സംഘമാണ് കേസ് അന്വേഷിക്കുക.
![](https://timeskerala.com/static/c1e/static/themes/16/91214/3752/images/New-Creative-.png)