കോട്ടയം: മാസപ്പടി കേസ് വീണാ വിജയനിൽ മാത്രം ഒതുങ്ങുന്ന വിഷയമല്ലെന്നും, അന്വേഷണം പിണറായി വിജയനിലേക്ക് നീളുമെന്നും ഷോൺ ജോർജ്. കേസിൽ ഇഡി കുറ്റപത്രം സമർപ്പിക്കുമ്പോൾ പിണറായി പ്രതിസ്ഥാനത്ത് വരാൻ സാധ്യതയുണ്ടെന്നും അദ്ദേഹം പറഞ്ഞു.(Investigation into CMRL case will reach Pinarayi Vijayan says Shaun George)
നൽകിയ പരാതി വീണയെ മാത്രം ചോദ്യം ചെയ്യാനുള്ളതല്ലെന്നും, അന്വേഷണം നിലവിൽ 10 ശതമാനത്തോളമെത്തിയിട്ടുണ്ട് എന്നും അദ്ദേഹം ചൂണ്ടിക്കാട്ടി. പരാതി കൊടുക്കുമ്പോൾ താൻ ബിജെപി പ്രവർത്തകനല്ലെന്നും, ഏതെങ്കിലും ഘട്ടത്തിൽ ബിജെപി തന്റെ പരാതിയിൽ ഇടപെട്ടിട്ടില്ലെന്നും അദ്ദേഹം വ്യക്തമാക്കി.
മാസപ്പടി വിഷയത്തിൽ സിപിഎം ഇപ്പോൾ നിലപാട് മാറ്റിയിരിക്കുകയാണെന്നും, കേസിനെ ഒരുമിച്ച് പ്രതിരോധിക്കുമെന്ന് പറയുന്ന പാർട്ടി എവിടെയാണ് എന്നും അദ്ദേഹം ചോദിച്ചു.പിണറായിയുടെ കൂടെ ഇപ്പോൾ പാർട്ടിയില്ല. 26 സഖാക്കൾ ജയിലിൽ കിടക്കുന്നുവെന്നും ഷോൺ ജോർജ് പരിഹസിച്ചു.
Story Summary
Shaun George has stated that the CMRL case is not limited to Veena Vijayan, asserting that the investigation will inevitably implicate Chief Minister Pinarayi Vijayan. He mocked the CPM’s lack of support for Veena during her questioning by the ED.
