'ആവശ്യമെങ്കിൽ മയക്കുവെടി': കർണാടകയുടെ സഹായം തേടുമെന്ന് മന്ത്രി എകെ ശശീന്ദ്രൻ
![മാനന്തവാടി നഗരത്തിൽ ഒറ്റയാനയിറങ്ങി; ജനങ്ങള്ക്ക് ജാഗ്രതാ നിര്ദേശം](https://timeskerala.com/static/c1e/client/91214/uploaded/033960300235933bba50565480680caa.png)
തിരുവനന്തപുരം: മാനന്തവാടി നഗരത്തിലിറങ്ങിയ റോഡിയോ കോളർ ഘടിപ്പിച്ച ആനയെ മയക്കുവെടി വെച്ച് കാട്ടിലേക്ക് അയക്കുകയാണ് പോംവഴിയെന്ന് മന്ത്രി എകെ ശശീന്ദ്രൻ. ജനങ്ങൾ തിങ്ങി പാർക്കുന്ന സ്ഥലമായതിനാൽ മയക്കുവെടി വെക്കൽ സാധ്യമല്ല. മയക്ക് വെടി വെക്കേണ്ടി വന്നാൽ അനുമതി നൽകാനുള്ള നടപടി ആരംഭിക്കുമെന്നും മന്ത്രി മാധ്യമങ്ങളോട് പറഞ്ഞു. നിലവിൽ മാനന്തവാടിയിൽ നിരോധനാജ്ഞ പ്രഖ്യാപിച്ചു. ജനങ്ങൾ ജാഗ്രത പാലിക്കണം. കർണാടകയുടെ സഹായം തേടുമെന്നും മന്ത്രി പറഞ്ഞു.
![](https://timeskerala.com/static/c1e/static/themes/16/91214/3752/images/New-Creative-.png)
നിലവിൽ കെഎസ്ആർടിസി ഡിപ്പോയ്ക്ക് സമീപത്തേക്ക് നീങ്ങുകയാണ്. സംഭവത്തിന് പിന്നാലെ വനംവകുപ്പും പോലീസും സ്ഥലത്തെത്തിയിട്ടുണ്ട്.
നഗരപ്രദേശമായതിനാൽ ആനയെ എങ്ങനെ തുരത്തുമെന്ന കാര്യത്തില് അവ്യക്തത ഉണ്ട്. ആന ഇറങ്ങിയ സാഹചര്യത്തില് സ്കൂളുകള്ക്ക് അടക്കം ജാഗ്രതാ നിര്ദേശം നല്കിയിട്ടുണ്ട്.