തിരുവനന്തപുരം: സംസ്ഥാനത്ത് മഴ മുന്നറിയിപ്പ് തുടരുന്നു. ബംഗാൾ ഉൾക്കടലിലും അറബിക്കടലിലും രൂപപ്പെട്ട ചക്രവാതചുഴികളുടെയും പടിഞ്ഞാറൻ കാറ്റിന്റെയും സ്വാധീനഫലമായി സംസ്ഥാനത്ത് ഇന്നും ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.(Heavy Rain Predicted In Kerala With Yellow Alert In Six Districts)
തെക്കൻ കേരളത്തിലെ ജില്ലകളിലാണ് മഴ കൂടുതൽ ശക്തമാകാൻ സാധ്യതയുള്ളത്. മുൻകരുതലിന്റെ ഭാഗമായി തിരുവനന്തപുരം മുതൽ എറണാകുളം വരെയുള്ള 6 ജില്ലകളിൽ ഇന്ന് ‘യെല്ലോ അലർട്ട്’ പ്രഖ്യാപിച്ചു. മഴ മുന്നറിയിപ്പില്ലാത്ത മറ്റ് ജില്ലകളിലും ഇടവിട്ട് നേരിയ തോതിലോ ഇടത്തരമായോ മഴ പെയ്യുമെന്നാണ് പ്രവചനം.
മഴയ്ക്കൊപ്പം ശക്തമായ കാറ്റിനും സാധ്യതയുണ്ട്. മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ കാറ്റ് വീശിയേക്കാമെന്നും കാലാവസ്ഥാ കേന്ദ്രം മുന്നറിയിപ്പ് നൽകുന്നു. കടലാക്രമണത്തിനും ഉയർന്ന തിരമാലകൾക്കും സാധ്യതയുള്ളതിനാൽ തീരപ്രദേശങ്ങളിൽ താമസിക്കുന്നവർ പ്രത്യേക ജാഗ്രത പാലിക്കണം. അതേസമയം, കേരള-കർണാടക-ലക്ഷദ്വീപ് തീരങ്ങളിൽ മത്സ്യബന്ധനത്തിന് നിലവിൽ വിലക്കുകളൊന്നും ഏർപ്പെടുത്തിയിട്ടില്ല.
Story Summary
The India Meteorological Department has issued a yellow alert for six districts in Kerala, spanning from Thiruvananthapuram to Ernakulam, due to expected heavy rain accompanied by thunderstorms. Cyclonic circulations over the Bay of Bengal and the Arabian Sea are driving the weather, with authorities advising caution regarding strong winds and potential coastal erosion.
