തിരുവനന്തപുരം: പാലക്കാട് മെഡിക്കൽ കോളേജിന്റെ വികസനത്തെയും പ്രവർത്തനത്തെയും ചൊല്ലി നിയമസഭയിൽ ഭരണ-പ്രതിപക്ഷ അംഗങ്ങൾ തമ്മിൽ രൂക്ഷമായ വാഗ്വാദം. നിർമ്മാണ പ്രവർത്തനങ്ങളിലെ കാലതാമസവും കെടുകാര്യസ്ഥതയും ചൂണ്ടിക്കാട്ടി എംഎൽഎ രമേഷ് പിഷാരടി ഉന്നയിച്ച വിമർശനങ്ങൾക്ക്, കണക്കുകൾ നിരത്തി പി പി സുമോദ് എംഎൽഎ മറുപടി നൽകി.(Heated debate in Kerala Assembly over Palakkad Medical College development)
പാലക്കാട് മെഡിക്കൽ കോളേജ് കടുത്ത അനാസ്ഥയിലൂടെയാണ് കടന്നുപോകുന്നതെന്ന് രമേഷ് പിഷാരടി സഭയിൽ ആരോപിച്ചു. പട്ടികജാതി-പട്ടികവർഗ്ഗ വിഭാഗത്തിന്റെ ഉന്നമനത്തിനായി നിർമ്മിച്ച മെഡിക്കൽ കോളേജ് എന്ന നിലയിൽ ഇതിന് ലഭിക്കേണ്ട പരിഗണന ലഭിക്കുന്നില്ലെന്ന് അദ്ദേഹം വാദിച്ചു.
ഹോസ്പിറ്റൽ ബ്ലോക്ക് പൂർത്തീകരണം നീളുന്നു. ബോയിലർ, മോർച്ചറി, സീവേജ് സംവിധാനങ്ങൾ, ഇലക്ട്രിക്കൽ ജോലികൾ എന്നിവ പാതിവഴിയിൽ. ഹോസ്റ്റൽ സൗകര്യങ്ങളുടെ അപര്യാപ്തതയും കാഷ്വാലിറ്റിയിലെ സൗകര്യക്കുറവും കാരണം വിദ്യാർത്ഥികൾക്ക് പ്രായോഗിക പരിശീലനം ലഭിക്കുന്നില്ല എന്നിങ്ങനെ അദ്ദേഹം ആരോപണങ്ങൾ ഉന്നയിച്ചു.
പിഷാരടിയുടെ ആരോപണങ്ങൾ അടിസ്ഥാനരഹിതമാണെന്ന് പി പി സുമോദ് എംഎൽഎ തിരിച്ചടിച്ചു. കഴിഞ്ഞ പത്ത് വർഷം കൊണ്ട് കോളേജിൽ നടന്ന വികസന പ്രവർത്തനങ്ങൾ എണ്ണിയെണ്ണി പറഞ്ഞാണ് അദ്ദേഹം പ്രതിരോധിച്ചത്. 2011-2016 കാലയളവിൽ യു ഡി എഫ് സർക്കാർ 57 കോടി രൂപ മാത്രം അനുവദിച്ചപ്പോൾ, എൽഡിഎഫ് സർക്കാർ കഴിഞ്ഞ പത്ത് വർഷത്തിനിടെ 755 കോടി രൂപയുടെ വികസന പ്രവർത്തനങ്ങളാണ് നടപ്പിലാക്കിയത്. മെഡിക്കൽ കൗൺസിലിന്റെ അംഗീകാരം നഷ്ടപ്പെട്ട ഘട്ടത്തിൽ മന്ത്രിമാരുടെ ഇടപെടലിലൂടെയാണ് കോളേജിനെ രക്ഷിച്ചെടുത്തതെന്ന് അദ്ദേഹം ഓർമ്മിപ്പിച്ചു.
Story Summary
A heated debate occurred in the Kerala Legislative Assembly regarding the development and construction delays at the Palakkad Medical College. MLA Ramesh Pisharody alleged severe negligence and unfinished infrastructure projects, while MLA P.P. Sumod countered by presenting data claiming the LDF government has invested Rs 755 crore compared to previous administrations, asserting that development is on track.
