പീഡനം: ബാലാവകാശ കമ്മീഷൻ സ്വമേധയാ കേസെടുത്തു
തിരുവനന്തപുരം: സംസ്ഥാന ബാലാവകാശ കമ്മീഷൻ കൊച്ചിയിൽനിന്നും വീടുവിട്ടിറങ്ങിയ പെൺകുട്ടികൾ പീഡിപ്പിക്കപ്പെട്ട സംഭവത്തിൽ സ്വമേധയാ കേസെടുത്തു. ഡൽഹി പോലീസ് ആണ് ഇവരെ കണ്ടെത്തിയത്. കൂടാതെ അവർക്കൊപ്പം ഡൽഹി സ്വദേശികളായ ഫൈസാനെയും സുബൈറിനെയും പിടികൂടുകയും ചെയ്തു.
എന്നാൽ മാധ്യമങ്ങളിൽ വന്ന വാർത്തയിൽ എറണാകുളം നോർത്ത് പോലീസ് ഇവരിൽ ഒരു പ്രതിയെ ഒഴിവാക്കി കുട്ടിയുടെ സഹോദരൻമാരെ അറസ്റ്റ് ചെയ്ത് റിമാൻഡ് ചെയ്തതായി ചൂണ്ടികാട്ടിയതോടെയാണ് ബാലാവകാശ കമ്മീഷൻ ചെയർപേഴ്സൺ കെ.വി. മനോജ്കുമാർ സ്വമേധയാ കേസെടുത്തത്. ഈ സംഭവത്തിൽ നവംബർ 3 നകം വിശദമായ റിപ്പോർട്ട് നൽകാൻ കമ്മീഷൻ എറണാകുളം ജില്ലാ ബാല സംരക്ഷണ ഓഫീസർ, നോർത്ത് പോലീസ് സ്റ്റേഷൻ ഹൗസ് ഓഫീസർ, ജില്ലാ പോലീസ് മേധാവി (എറണാകുളം സിറ്റി) എന്നിവരോട് നിർദേശിച്ചു.
.
