കഞ്ചാവുമായി പിതാവും മകനും അറസ്റ്റിൽ; വാഹനങ്ങൾ പിടിച്ചെടുത്തു
Nov 21, 2023, 22:11 IST
കുമളി: കേരളത്തിന്‍റെ പല ഭാഗത്തേക്കും തേനി ജില്ലയിലേക്കും വർഷങ്ങളായി കഞ്ചാവ് എത്തിച്ചു നൽകിയിരുന്ന ആളെയും മകനെയും ദിണ്ടുക്കൽ പോലീസ് അറസ്റ്റു ചെയ്തു. ദിണ്ടുക്കൽ, വേടസന്തൂർ സ്വദേശികളായ ശങ്കിലി, മകൻ തങ്ക ദുരൈ എന്നിവരെയാണ് പിടികൂടിയത്. ദിണ്ടുക്കൽ എസ്.പി ഭാസ്ക്കരന്‍റെ നിർദേശപ്രകാരം ഡി.എസ്.പി അഴക് പാണ്ടിയും സംഘവുമാണ് ഇരുവരേയും പിടികൂടിയത്. ഇവരുടെ പക്കൽ നിന്നും രണ്ട് കിലോ കഞ്ചാവ്, കഞ്ചാവ് കടത്താൻ ഉപയോഗിക്കുന്ന ഇരുചക്രവാഹനങ്ങൾ, കാറ്, നാല് മൊബൈൽ ഫോണുകൾ എന്നിവ പിടിച്ചെടുത്തിട്ടുണ്ട്. കോടതിയിൽ ഹാജരാക്കിയ പ്രതികളെ റിമാൻറ് ചെയ്തു.