ലഹരി മാഫിയ അക്രമം; ഒരാൾ കൂടി പിടിയിൽ
![ലഹരി മാഫിയ അക്രമം; ഒരാൾ കൂടി പിടിയിൽ](https://timeskerala.com/static/c1e/client/91214/uploaded/ee1ae09c1e9902673dd6989f6e1066e5.gif)
താമരശ്ശേരി: താമരശ്ശേരിക്കടുത്ത് കുടുക്കിലുമ്മാരത്ത് വ്യാപാരിയെ കടയിൽ കയറി വെട്ടിക്കൊലപ്പെടുത്താൻ ശ്രമിച്ച കേസിലെ മുഖ്യ പ്രതി പിടിയിൽ. കുടുക്കിലുമ്മാരം കയ്യേലിക്കൽ ചുരുട്ട അയ്യൂബ് എന്ന അയ്യൂബാണ് (35) പിടിയിലായത്.
സംഭവത്തിനുശേഷം കർണാടകയിൽ ഒളിവിൽ കഴിഞ്ഞ പ്രതി നാട്ടിലെത്തി പണം സംഘടിപ്പിച്ച് വീണ്ടും മൈസൂരുവിലേക്ക് കടക്കുന്നതിനിടെയാണ് താമരശ്ശേരി ചുരത്തിൽ പിടിയിലായത്. കോഴിക്കോട് കേന്ദ്രീകരിച്ചുള്ള ലഹരി മാഫിയ സംഘത്തിൽ പെട്ടവരാണ് പ്രതികളെന്ന് അറസ്റ്റ് ചെയ്ത താമരശ്ശേരി ഇൻസ്പെക്ടർ കെ.ഒ. പ്രദീപ് പറഞ്ഞു. എസ്.ഐമാരായ സജേഷ് സി.ജോസ്,രാജീവ് ബാബു, സീനിയർ സി.പി.ഒമാരായ ജയരാജൻ എൻ.എം, ജിനീഷ്.പി.പി,രഘു, സൂരജ്, ജിതിൻ എന്നിവരടങ്ങിയ സംഘമാണ് പ്രതികളെ പിടികൂടിയത്.
![](https://timeskerala.com/static/c1e/static/themes/16/91214/3752/images/New-Creative-.png)