മെഡിക്കൽ കോളജിൽ ഡോക്ടർമാരെ കൈയേറ്റം ചെയ്തു; രോഗി അറസ്റ്റിൽ
May 24, 2023, 21:55 IST
![മെഡിക്കൽ കോളജിൽ ഡോക്ടർമാരെ കൈയേറ്റം ചെയ്തു; രോഗി അറസ്റ്റിൽ](https://timeskerala.com/static/c1e/client/91214/uploaded/57caeb172cfaf6a222dc5242d247298d.jpg)
തിരുവനന്തപുരം: ഡോക്ടർമാരെ കൈയേറ്റം ചെയ്തെന്ന പരാതിയിൽ രോഗി അറസ്റ്റിൽ. ചികിത്സയിലുള്ള ബാലരാമപുരം സ്വദേശി സുധീറിനെയാണ് പോലീസ് അറസ്റ്റ് ചെയ്തത്. തിരുവനന്തപുരം മെഡിക്കൽ കോളജിലാണ് സംഭവം നടന്നത്. മെഡിക്കൽ കോളജിലെ ന്യൂറോ സർജറി വിഭാഗത്തിലെ രോഗിയായിരുന്നു സുധീർ. ഇന്ന് വൈകുന്നേരമായിരുന്നു സംഭവം നടന്നത്.
കിടപ്പ് രോഗിയായ സുധീർ റസിഡന്റ് ഡോക്ടർമാരെ കൈയേറ്റം ചെയ്തെന്നാണ് പരാതി. ചികിത്സ സംബന്ധിച്ച തർക്കത്തെ തുടർന്ന് ഡോക്ടർമാരെ സുധീർ ഷർട്ടിൽ പിടിച്ച് തള്ളിയെന്നാണ് പരാതി.