എ​റ​ണാ​കു​ളം ജ​ന​റ​ല്‍ ആ​ശു​പ​ത്രി​യി​ല്‍ ഡോ​ക്ട​റു​ടെ ലൈം​ഗി​കാ​തി​ക്ര​മം: കൂ​ടു​ത​ല്‍ വ​നി​താ ഡോ​ക്ട​ര്‍​മാ​ര്‍​ക്ക് ദു​ര​നു​ഭ​വം സം​ഭ​വി​ച്ചു​വെ​ന്ന് പ​രാ​തി​ക്കാ​രി

കൊ​ച്ചി: എ​റ​ണാ​കു​ളം ജ​ന​റ​ല്‍ ആ​ശു​പ​ത്രി​യി​ല്‍ വ​നി​താ ഡോ​ക്ട​ര്‍​ക്കു​നേ​രേ ലൈം​ഗി​കാ​തി​ക്ര​മം കാ​ണി​ച്ച ജ​ന​റ​ല്‍ മെ​ഡി​സി​ന്‍ വി​ഭാ​ഗം മേ​ധാ​വി​യാ​യി​രു​ന്ന ഡോ. ​ജി. മ​നോ​ജി​നെ​തി​രേ കൂ​ടു​ത​ല്‍ വെ​ളി​പ്പെ​ടു​ത്ത​ലു​മാ​യി പ​രാ​തി​ക്കാ​രി​യാ​യ ഡോ​ക്ട​ര്‍. ജ​ന​റ​ല്‍ ആ​ശു​പ​ത്രി​യി​ല്‍ ജോ​ലി ചെ​യ്തി​രു​ന്ന മ​റ്റ് വ​നി​താ ഡോ​ക്ട​ര്‍​മാ​രും ഡോ. ​മ​നോ​ജി​ല്‍ നി​ന്നു​ണ്ടാ​യ ദു​ര​നു​ഭ​വ​ങ്ങ​ളെ​ക്കു​റി​ച്ച് ത​നി​ക്ക് സ​ന്ദേ​ശ​മ​യ​ച്ചെ​ന്നാ​ണ് വ​നി​ത ഡോ​ക്ട​ര്‍ സ​മൂ​ഹ​മാ​ധ്യ​മ​ത്തി​ലൂ​ടെ അറിയിച്ചത്.

നി​ങ്ങ​ളോ നി​ങ്ങ​ള്‍​ക്ക​റി​യാ​വു​ന്ന ആ​രെ​ങ്കി​ലു​മോ അ​യാ​ളി​ല്‍ ​നി​ന്ന് പീ​ഡ​നം നേ​രി​ട്ടി​ട്ടു​ണ്ടെ​ങ്കി​ല്‍ ദ​യ​വാ​യി ത​ന്നെ അ​റി​യി​ക്ക​ണ​മെ​ന്നും മീ ​ടു കേ​ര​ള, വ​ര്‍​ക് പ്ലേ​സ് ഹ​റാ​സ്‌​മെ​ന്‍റ് എ​ന്ന ഹാ​ഷ് ടാ​ഗോ​ടെ വ​നി​താ ഡോ​ക്ട​ര്‍ കു​റി​ച്ചു.

ഇ​ന്‍റേ​ണ്‍​ഷി​പ്പ് സ​മ​യ​ത്ത് ഡോ. ​മ​നോ​ജി​നെ​തി​രേ സം​സാ​രി​ക്കാ​ന്‍ ഭ​യ​പ്പെ​ട്ടി​രു​ന്നു​വെ​ന്നും ​മറ്റൊ​രു ആ​ശു​പ​ത്രി​യി​ലേ​ക്ക് ട്രാ​ന്‍​സ്ഫ​റി​ന് ശ്ര​മി​ച്ചെ​ങ്കി​ലും അ​ത് നടന്നില്ലെന്നും  വ​നി​ത ഡോ​ക്ട​ര്‍​മാ​രു​ടെ സ​ന്ദേ​ശ​ത്തി​ലു​ണ്ട്.  ഇ​ന്‍റേ​ണ്‍​ഷി​പ്പ് പൂ​ര്‍​ത്തി​യാ​ക്കി​യ സ​ര്‍​ട്ടി​ഫി​ക്ക​റ്റ് വാ​ങ്ങാ​നാ​യി ഡോ. ​മ​നോ​ജി​ന്‍റെ പ്രൈ​വ​റ്റ് ക്ലി​നി​ക്കി​ലേ​ക്ക് ചെ​ല്ലാ​നാ​യി ആ​വ​ശ്യ​പ്പെ​ട്ടെ​ന്നും താ​ന്‍ കൂ​ട്ടു​കാ​രു​മാ​യി അ​വി​ടെ​യെ​ത്തി​യ​പ്പോ​ള്‍ 'നീ ​എ​ന്നെ പ​റ്റി​ച്ചു​വെ​ന്നു' അ​യാ​ള്‍ പ​റ​ഞ്ഞ​തായുമുള്ള സ്‌​ക്രീ​ന്‍​ഷോ​ട്ട് സഹിതം വ​നി​ത ഡോ​ക്ട​ര്‍ പോ​സ്റ്റ് ചെയ്തിട്ടുണ്ട്. അ​വി​ടെ​നി​ന്നും സ​ര്‍​ട്ടി​ഫി​ക്ക​റ്റ് വാ​ങ്ങി ഓ​ടി​പ്പോ​രു​ക​യാ​യി​രു​ന്നെ​ന്നും മ​റ്റ് വ​നി​ത ഡോ​ക്ട​ര്‍​മാ​ര്‍ പ​രാ​തി​ക്കാ​രി​ക്ക് അ​യ​ച്ച സ​ന്ദേ​ശ​ത്തി​ല്‍ സൂ​ചി​പ്പി​ക്കു​ന്നു​.