Follow on Google News
തിരുവനന്തപുരം: കേരളത്തിന്റെ അടുത്ത മുഖ്യമന്ത്രി സ്ഥാനത്തേക്ക് കെ.സി. വേണുഗോപാലിനെ പിന്തുണച്ചുകൊണ്ടുള്ള കെ. സുധാകരന്റെ ഫേസ്ബുക്ക് പോസ്റ്റ് കോൺഗ്രസിൽ പുതിയ രാഷ്ട്രീയ പോരിന് വഴിതുറക്കുന്നു. ‘കേരളം കെ.സി നയിക്കട്ടെ’ എന്ന ആഹ്വാനവുമായി സുധാകരൻ രംഗത്തെത്തിയതോടെ പാർട്ടിയിലെ ഒരു വിഭാഗം എംപിമാർ കടുത്ത അതൃപ്തിയിലാണ്. വിഷയം ഹൈക്കമാൻഡിന്റെ ശ്രദ്ധയിൽപ്പെടുത്താനാണ് ഇവരുടെ നീക്കം.(Dissatisfaction in Congress over K Sudhakaran’s post, may inform high command)
കെ. കരുണാകരനെപ്പോലുള്ള മഹാരഥന്മാരായ നേതാക്കളുടെ പാത പിന്തുടരാൻ കെ.സി. വേണുഗോപാലിന് സാധിക്കുമെന്ന് സുധാകരൻ തന്റെ പോസ്റ്റിൽ കുറിച്ചു. കേരളത്തിന് ആവശ്യം കെ.സിയെപ്പോലെ ദീർഘവീക്ഷണമുള്ള നേതാവിനെയാണ്.
കേന്ദ്ര നേതൃത്വത്തിൽ നിർണ്ണായക ചുമതലകൾ വഹിക്കുമ്പോഴും കേരള രാഷ്ട്രീയത്തിൽ കെ.സിയുടെ സാന്നിധ്യം എത്രത്തോളം അനിവാര്യമാണെന്ന് കഴിഞ്ഞ തിരഞ്ഞെടുപ്പുകൾ തെളിയിച്ചതായി സുധാകരൻ അവകാശപ്പെടുന്നു. വിനയവും സാധാരണ പ്രവർത്തകർക്കൊപ്പം നിൽക്കാനുള്ള കഴിവും കെ.സിയെ മറ്റുള്ളവരിൽ നിന്ന് വ്യത്യസ്തനാക്കുന്നു. സംസ്ഥാന രാഷ്ട്രീയത്തിൽ സജീവമായ ചർച്ചകൾ നടക്കുന്നതിനിടെ ഇത്തരമൊരു നിലപാടെടുത്തത് ഗ്രൂപ്പ് സമവാക്യങ്ങളെ ബാധിക്കുമെന്നാണ് എംപിമാരുടെ ആശങ്ക.
