ഗുരുഗ്രാം: 25 വയസുകാരിയായ സോഫ്റ്റ്വെയർ എൻജിനീയറെ ഗുരുഗ്രാമിലെ ഫ്ലാറ്റിൽ ദാരുണമായി കൊല്ലപ്പെട്ട നിലയിലും, സഹപ്രവർത്തകനായ യുവാവിനെ റെയിൽവേ ട്രാക്കിൽ മരിച്ച നിലയിലും കണ്ടെത്തി. ഉത്തർപ്രദേശിലെ സിതാപൂർ സ്വദേശിനി ഇൻഷാര അയ്യൂബിയാണ് ഫ്ലാറ്റിനുള്ളിൽ കഴുത്തറുത്ത് കൊല്ലപ്പെട്ടത്. ഇവരുടെ സുഹൃത്തും ഛത്തീസ്ഗഡ് ഭിലായ് സ്വദേശിയുമായ ശ്രേഷ്ഠ് മാലിക്കിന്റെ (25) മൃതദേഹമാണ് 60 കിലോമീറ്റർ അകലെ ഗർഹി സ്റ്റേഷന് സമീപമുള്ള റെയിൽവേ ട്രാക്കിൽ കണ്ടെത്തിയത്. ഇൻഷാരയെ കൊലപ്പെടുത്തിയ ശേഷം ശ്രേഷ്ഠ് മാലിക് ആത്മഹത്യ ചെയ്തതാണെന്നാണ് പോലീസിന്റെ പ്രാഥമിക നിഗമനം.(Gurgaon techie murder case, Insharah Ayyubi Found Murdered Colleague Shresth Malik Dies By Suicide)
ഗുരുഗ്രാം ആസ്ഥാനമായി പ്രവർത്തിക്കുന്ന പ്രമുഖ ഹെൽത്ത് കെയർ കമ്പനിയിൽ ഇരുവരും ഒരേദിവസമാണ് ജോലിയിൽ പ്രവേശിച്ചത്. ഇൻഷാരയെ ഫോണിൽ വിളിച്ചിട്ട് കിട്ടാതായതോടെ വീട്ടുകാർ നൽകിയ പരാതിയിലാണ് പോലീസ് അന്വേഷണം തുടങ്ങിയത്. തുടർന്ന് ഫോൺ ലൊക്കേഷൻ കേന്ദ്രീകരിച്ച് നടത്തിയ പരിശോധനയിൽ ശ്രേഷ്ഠ് മാലിക്കിന്റെ സെക്ടർ 55-ലെ ഫ്ലാറ്റിലേക്ക് പോലീസ് എത്തി. പൂട്ടിയിട്ട ഫ്ലാറ്റിന്റെ വാതിൽ പൊളിച്ച് അകത്തുകയറിയപ്പോഴാണ് ചോരയിൽ കുളിച്ച നിലയിൽ ഇൻഷാരയുടെ മൃതദേഹം കണ്ടെത്തിയത്. ശരീരത്തിൽ നിരവധി കുത്തേറ്റ പാടുകളുണ്ടായിരുന്നു.
ഇൻഷാരയുടെ കൊലപാതകം നടക്കുന്നതിന് മുൻപ് തന്നെ ശ്രേഷ്ഠ് മാലിക്കിന്റെ മൃതദേഹം റെയിൽവേ പോലീസ് കണ്ടെത്തിയിരുന്നു. ട്രെയിൻ അപകടത്തിൽ മരിച്ചതാണെന്നാണ് റെയിൽവേ പോലീസ് ആദ്യം കരുതിയത്. എന്നാൽ ഇൻഷാരയുടെ മരണത്തോടെയാണ് ഇതൊരു കൊലപാതകവും തുടർന്നുണ്ടായ ആത്മഹത്യയുമാണെന്ന നിഗമനത്തിലേക്ക് പോലീസ് എത്തിയത്.
Story Summary
A 25-year-old software engineer, Insharah Ayyubi, was found brutally murdered inside a Gurgaon flat, while her colleague, Shresth Malik, was found dead on a railway track 60 km away. Police suspect it to be a case of murder-suicide, as both worked at the same firm and had recently moved in together.
