പത്തനംതിട്ട: മദ്യപിച്ച് അലക്ഷ്യമായി പോലീസ് ജീപ്പോടിച്ച ഡാൻസാഫ് ഉദ്യോഗസ്ഥർക്കെതിരെ ജില്ലാ പോലീസ് മേധാവി കർശന നടപടി സ്വീകരിച്ചു. പത്തനംതിട്ട ഡിവൈഎസ്പിക്ക് കീഴിലുള്ള ലഹരിവിരുദ്ധ സ്ക്വാഡിലെ സിവിൽ പോലീസ് ഉദ്യോഗസ്ഥരായ സുമൻ, പ്രിയേഷ്, രാഹുൽ എന്നിവരെയാണ് അടിയന്തരമായി സസ്പെൻഡ് ചെയ്തത്.(DANSAF Police Suspended, Three Pathanamthitta DANSAF Police Officers Suspended For Drunk Driving)
ലഹരി മാഫിയയെ പിടികൂടാൻ ജില്ലാ പോലീസ് മേധാവി നേരിട്ട് നിയന്ത്രിക്കുന്ന ഉദ്യോഗസ്ഥർ തന്നെ മദ്യപിച്ച് പൊതുജനങ്ങൾക്ക് ഭീഷണിയായി വാഹനം ഓടിച്ച സംഭവം വലിയ നാണക്കേടാണ് ഉണ്ടാക്കിയിരിക്കുന്നത്. ചൊവ്വാഴ്ച വൈകിട്ട് ആറ് മണിയോടെ പത്തനംതിട്ട എസ്പി ഓഫീസിന് സമീപമായിരുന്നു നാടകീയ സംഭവങ്ങൾ അരങ്ങേറിയത്.
സംസ്ഥാനത്ത് ലഹരിക്കെതിരെ ശക്തമായ ‘തൂഫാൻ’ കാമ്പയിൻ നടക്കുന്നതിനിടെയാണ് ഈ സംഭവം ഉണ്ടായത് എന്നത് ഏറെ ശ്രദ്ധേയമാണ്. ഇതേത്തുടർന്ന് ഉടൻ തന്നെ സസ്പെൻഷൻ നടപടികൾ പൂർത്തിയാക്കി. അപകടകരമായ രീതിയിൽ മദ്യപിച്ച് വാഹനം ഓടിച്ച പ്രിയേഷ് എം. എന്ന ഉദ്യോഗസ്ഥനെതിരെ പോലീസ് കേസെടുത്തിട്ടുണ്ട്.
Story Summary
Three DANSAF civil police officers, Suman, Priyesh, and Rahul, were suspended by the Pathanamthitta SP for driving a police jeep under the influence of alcohol. The incident occurred near the SP office, where a woman auto driver named Shobha chased and intercepted the vehicle with the help of locals, leading to a case being registered against the driver, Priyesh.
