ആലപ്പുഴ: ജി. സുധാകരനും സി.പി.എം നേതൃത്വവും തമ്മിൽ ആലപ്പുഴയിൽ നിലനിൽക്കുന്ന തർക്കം കടുക്കുന്നു. അമ്പലപ്പുഴ തോട്ടപ്പള്ളിയിൽ പാടശേഖര സമിതിയുടെ പൊതുപരിപാടി ഉദ്ഘാടനം ചെയ്ത് സംസാരിക്കവെ ജി. സുധാകരന്റെ പ്രസംഗം സി.പി.എം പ്രവർത്തകർ തടസ്സപ്പെടുത്തി. ജി സുധാകരൻ പാർട്ടി നേതൃത്വത്തിനെതിരെ പരോക്ഷ വിമർശനം ഉന്നയിച്ചതാണ് സി.പി.എം പ്രവർത്തകരെ പ്രകോപിപ്പിച്ചത്.(G Sudhakaran CPM feud, CPM workers disrupt G Sudhakaran’s speech)
ഇവർ പരസ്യമായി എതിർപ്പ് പ്രകടിപ്പിക്കുകയായിരുന്നു. കഴിഞ്ഞ കുറച്ചുദിവസങ്ങളായി ആലപ്പുഴയിൽ സുധാകരനും പ്രാദേശിക സി.പി.എം നേതൃത്വവും തമ്മിൽ കടുത്ത വാക്പോര് നടക്കുകയാണ്. ഔദ്യോഗിക പരിപാടികളിൽ പങ്കെടുത്ത് പാർട്ടിയെയും നേതാക്കളെയും നിരന്തരം അധിക്ഷേപിക്കുന്നത് തുടർന്നാൽ ശക്തമായി പ്രതികരിക്കുമെന്ന് സി.പി.എം കഴിഞ്ഞ ദിവസം മുന്നറിയിപ്പ് നൽകിയിരുന്നു.
എന്നാൽ ഈ മുന്നറിയിപ്പുകൾ അവഗണിച്ച് സുധാകരൻ വീണ്ടും രാഷ്ട്രീയ വിമർശനം തുടർന്നതോടെയാണ് പ്രവർത്തകർ പ്രസംഗം തടസ്സപ്പെടുത്തുന്ന അവസ്ഥയിലേക്ക് കാര്യങ്ങളെത്തിയത്. സി.പി.എം നേതാക്കൾ വയോജന പാഠശാലയിൽ പോയി വിദ്യാഭ്യാസം നേടണമെന്നും ജനങ്ങളോട് എങ്ങനെ പെരുമാറണമെന്ന് അവിടെനിന്ന് പഠിക്കണമെന്നും സുധാകരൻ പരിഹസിച്ചിരുന്നു.
Story Summary
The ongoing feud between veteran leader G Sudhakaran and the CPM leadership in Alappuzha escalated further as party workers disrupted his speech during a public event in Thottappally. The incident occurred after Sudhakaran continued his sharp political criticism against the party despite recent warnings from the CPM district secretary.
